DILI (timorpost.com) – Líder sira iha Partidu Kongresu Nasionál Rekonstrusaun Timorense (CNRT), lá fiar Prezidente RAEOA, Arsénio Bano, ba vizita ró haksolok iha Portugal, hodi haree prosesu ba manutensaun no lori mai iha tempu badak.
“Hau nunka fiar pedasuk ida ba Prezidente RAEOA atu lori ró Haksolok sei mai iha tempu badak nia laran,” dehan Deputadu Patrocino Fernandes, nu’udar Prezidente hosi Bankada CNRT, iha Parlamentu Nasionál, Tersa (12/09).
Maski vizita Prezidente RAEOA Arsénio Bano, ba Portugal, hodi Vizita ró refere, maibé hanesan opozisaun hosi bankada CNRT husu labele halakon prosesu setór Justisa ninian,
“Ita atu ba vizita ka Lãe ró haksolok iha ona prosesu manutensaun, nune’e labele halakon de’it prosesu justisa nian”, nia hateten.
Tanba justisa tenke lão nafatin, no mós enkoraja nafatin ba Ministériu Públiku, Komisaun Anti Korrupsaun (CAC), atu halo nafatin sira-nia servisu sira ne’e to’o rohan, atu bele klarifika didi’ak katak Ró haksolok nia prosesu ne’e lão oinsá.
Nia dehan, Ró Haksolok ne’e povu nian, nune’e karik mak halo manutensaun hotu ona, bele lori mai Timor-Leste, maibé atu fiar dehan ró haksolok mai lalais TL, nein fiar pedasuk ida.
Kreativu hanesan Prezidente RAEOA, Arsénio Bano, labele halo kaben nafurin de’it, katak ró refere atu mai lalais TL, maibé esforsu oinsá para bele halo klarifikasaun ba prosesu ró haksolok ne’e to’o ona ne’ebé.
“Ami hanesan opozisaun hosi bankada CNRT husu nafatin katak Ministériu Públiku labele tutuir ho situasaun sira hanesan halo vizita ba mak haree buat la importante maibé halo TL pániku, maibé importante hanesan buat ida lá kona,” Nia afirma.
Tanba ne’e, nia dehan esforsu hanesan Prezidente RAEOA, lão nafatin, depois mak haree nia rezultadu, maibé dehan atu fiar, CNRT la fiar.
1,973 total views, 6 views today
