VEMASSE-Minisru Asuntu Ekonomia kontinua enkoraja kompañia ACELDA Unipessoal Lda munisípiu Baukau atu kontinua investe iha setór agrikultura tanba kompañia konsege hatudu nia vontade.
Parte governu rekoñese Investimentu ida ne’ebé dezafiu teb-tebes iha setór agrikultura ita bele hare nia rezultadu. Hanesan ita hatene investimentu iha setór agrikultura la fasil, investimentu ida ne’ebé iha area ida ne’ebé konservadór muda ema nia mentalidade.
“Ha’u kontente teb-tebes ho Sr. Higinio nu’udar na’in ba kompañia ACELDA ema ida foun iha setór agrikultura…ho ninia badinas, i determinasaun, ninia paixaun finalmente ita hotu ohin mai hamutuk iha nee atu testemunha rezultadu investimentu ida nee” deklara ministru Joaquim Amaral iha nia abertura seremónia koleta hare variedade nakroma ne’ebé produs husi kampaña Acelda Unipesoal Lda Tersa feira (30/5) iha Vemasse tasi area irrigasaun Bulutu.
Ministru apresia, Acelda investime iha setór agrikultura kobre tomak siklu tomak husi prosesu tomak husi produsaun ba too ninia komersializasaun, katak investimentu ida la’ós han deit maibe ba iha merkadu nesesidade.
“Ita presiza modelu no figura sira hanesan nee tanba nee ohin ami mai hamutuk iha nee atu ita promove investimentu importante ne’ebé Timor oan ida mak halo”, reforsa ministru Joaquim.
Iha tempu hanesan diretór kompañia Acelda, Higinio da Costa Freitas hatete, razaun hakarak investe iha setor agrikultura tanba Timor Leste sai ona nasaun no lalika depedente liu ba produsaun importasaun husi rai li’ur.
Nia esplika, uluk avó sira nia tempu han hahán produtu lokál hanesan, ai farina, fehuk, talas, kontas no seluk tan maibé ohin loron ema hotu han mak foos tan nee mak kompañia Acelda hakarak halo mós atividade iha setór agrikultura liu husi produs Hare.
Diretór nee haktuir, razaun seluk ne’ebé dudu nia atu investe iha setor agrikultura tanba iha tinan 2020 MCAE liu husi tradeInvest atribui ona sertifika investimentu ba nia. too mai agora konsege halo produsaun Haree iha natar kuaze liu ektare rua nulu iha natar irrigasaun Buluto.
Daudaun nee kompañia Acelda ne’ebé hala’o atividade produsaun mina Kamii, fa’an material konstrusaun konsege emprega traballadór 50 no traballadór la permanente iha setór agrikultura hamutuk ema na’in 100 mesak Timor oan.
Hola parte iha serimónia kolleita Hare, MCAE ho nia komitiva, reprezentante MAP nasionál, munisipál, postu administrative, reprezentante APA Vemasse, kompañia Acelda ho nia traballadór.(gut)
3,291 total views, 3 views today
Bele hare Video Seluk :
Subscribe to Timorpost
