Estudante ESG 01 Villa Nova Fulan Ida Ona Laiha Profesores Atu Hanorin

BAUKAU(timorpost.com)—–Estudsnte ESG (Eskola Sekundariu Geral) 01 Vila Nova ejiji ba ME (Ministeriu Edukasaun) atu halo rekrutamentu ba profesores hodi kompleta falta profesores tanba durante Fulan Ida Ona la iha profesores Atu hanorin.
Kestaun ne’e hato’o husi porta vos estudante ESG nu. 01 Tirilolo Baukau vila Ilidio Marcos Belo Liu husi konfrensia imprensa hateten durante fulan ida ona mak profesores Sira la prense ona aula hodi hanorin Materia ba estudante sira tamba ministeriu seidauk rekruta profesores foun.
Nia espliks, profesores neebe la Tama hanorin durante Fulan ida, kompostu husi profesor neebe kaer disiplina lian ingles, Lian Portugues,geologis no teknologia enkuantu profesor materia lian tetun no matematika deit Mak durante nee profesor tama.
“Ami estudante ESG 01 Baukau hakarak husu ba Ministeriu edukasaun atu halo rekrutamentu lalais ba profesores kontratadu tanba durante Fulan Ida resin ona hahu husi inisiu fulan Janeiru too Mai Fulan Fevereiru la iha profesores Mak Tama sala laran para hanorin Ami”Dehan porta vos estudante ESG. 01 Tirilolo Baukau vila Ilidio Marcos Belo Liu husi konferensia imprensa Segunda feira (12/2) iha resintu ESG 01 Baukau.
Iha Fatin hanesan diretor ESG Numero 01 Baukau Jose Clementino da Silva rekoinese dadaun nee Eskola imprenta menus profesores defikulta prosesu aprendisazen iha sala aula tanba tuir kalendariu izame primeiru periodu Monu iha inisiu fulan Abril Tan nee Nia parte husi ba Ministeriu Atu aselera lalais prosesu bolsa kandidatura ba profesores Atu nunee koloka fali profesor neebe Liu Mai iha eskola nee.
“Ita persiza liu-liu profesores neebe hanorin materia siencia humanidade tanba nee Mak Ita sempre hato’o ba diresaun, nunee hatoo ba Ministeriu aselera lalais prosesu bolsa kandidatura hodi nunee Sira neebe Liu Haruka fali Mai durante iha Fulan Ida ho balun hanorin fo netik materi ruma molok Tama iha izame primeiru periodu”Nia husu.
Husi Sorin seluk, hatan ba preukupasaun nee, diretor servisu Munisipal Edukasaun Baukau Afonso do Santos da Costa promete sei foti profesores husi eskola seluk neebe Nia karga orariu menus hodi apoiu hanorin estudante ESG nu.01 Baukau.
“Hau simu Ona informasaun husi diretor Eskola momentu neeba Hau halo kedas kordenasaun ho superintendente ho inspektor Eskola no bolu MOS diretor Eskola ho ninia filiais oinsa foto profesores permanente neebe ninia karga orariu la too Ami aprosima Sira para Mai kompleta iha esg.01 tanba profesores hotu-hotu tenki too 24 oras tempu letivu”Nia promete.
Total estudante iha ESG.01 Baukau hamutuk rihun ida atus neen sanulu ho total profesores permanente neebe dadaun nee hanorin hamutuk nain hat nolu resin tolu.

2,358 total views, 21 views today

Oinsa Ita nia Reaksaun iha Notisia Nee?