DILI (timorpost.com)—Prezidente Partidu Kongresu Nasionál Rekonstrusaun Timorense (CNRT-sigla portugés), Kay Rala Xanana Gusmão, kompromete katak, bainhira partidu CNRT manán iha Eleisaun Parlamentár, atu loke auditoria ba fundu programa sesta bázika nian.
Tuir nia, orsamentu ne’ebé gasta ba Funsionamentu Estadu osan povu nian, maibé tenke loke auditoria ba programa sira ne’ebé Governu daualuk hala’o, liuliu kona-ba implementasaun programa sesta bázika.
“CNRT manán sei loke auditoria ba fundu sesta bázika, tanba osan ne’e povu nian,” Xanana deklara liuhosi atividade kon- solidasaun orientasaun polítika partidu nian ba militante no simpatizante iha Bairru Kulu- hun de Baixu, Kinta loro-kraik (13/04/2023).
Xanana konsidera Governasaun Taur Matan Ruak, tonka hosi partidu FRETILIN lideradu hosi Mari Bin Amude Alkatiri, foin lalais halo lei ida, hodi haruka ba Prezidente Repúblika, José Ramos Horta, atu promulga ba osan hamutuk millaun 70 USD hodi implementa ba programa sesta bázika etapa daruak.
Alende ne’e mós konsidera dokumentu sesta bázika nian hetan sunu. Iha lei Governu nian, promete sei hasa’e osan sesta bázika fahe ba uma kain ida sei hetan osan 1.000 USD ho objetivu atu buka votu iha Eleisaun Parlamentár 2023.
Lider karizmátiku ne’e konta, bainhira Prezidente Repúblika anunsia ona kalendáriu Eleisaun Lejizlativa, signifika Governu labele halo ona programa foun.
1,485 total views, 3 views today
Bele hare Video Seluk :