ADVERTISEMENT

Ricardo Sustenta Moris Ho Fa’an Ai-funan

Augusto Sarmento - Ekonomia · Figura
Jornalista : Amelia Babo
Editor : Isabel Ermelita
  • Share
Ricardo Casimiro Fan Ai-Funan Masa Iha Serimónia Graduasaun UNTL Ba Dala XXVIII Iha CCD Kaikoli, Imajen TP/Amélia Babo.

Ricardo Casimiro, fa’an ai- funan masa enfeita ho boneka hodi sustenta ba an rasik, liuliu selu rasik ninia estudu iha universidade, agora semester haat ona. No aleinde ne’e, liuhosi rendimentu ne’ebé nia hetan husi fa’an aifunan ne’e, bele sustenta mós ba moris loro-loron nian.

Mane isin metan, fuuk kribu ho naran kompletu Ricardo Casimiro ne’e konta, aprende halo negósiu nia foin eskola pre- sekundária nia komesa fan esbua lori la’o hale’u sidade Dili hodi hetan atu responde ba nesesidade moris loro loron nian tanba nian husik hela ho nia bin ho nia aman faluk vida hanesan agrikultura depende halo toos natar susar atu hetan rendimentu kada loron obrigadu nia esforsu buka osan liu husi maneira oi oin hodi hetan osan atu bele sustenta ba moris loro loron nian.

ADVERTISEMENT
SCROLL FILA BA NOTISIA


Dili oan ne’ebé moris iha loron 21 fulan Marsu tinan 2003 ne’e relata,  moris iha mundu labele moe atu buka moris liu husi servisu budu kasar no halo negósiu ki’ik ruma hodi hetan osan atu bele sustenta ba vida moris loron hanesan estudante.

Atuál estudante IOB ne’e konta, bainhira nia inan partu nia mai iha mundu ida ne’e nia moris maibé, nia inan hakotu is iha mundu ida ne’e nia tian rasik maka hakiak fali nia sai hanesan inan hodi tau matan no kontrolu ba nia moris loro loron nian hodi haruka nia ba eskola primária to’o eskola pre- sekundária nia komesa aprende halo negósiu ki’ik liu husi fan esbua kada loron hetan osan hodi uza ba nesesidade loron.

Nia nafatin fahe tempu livre hodi kontinua halo negósiu, fa’an es buah no aproveita eskola universidade sira iha Dili laran maka serimónia graduasaun nia sosa ai funan masa iha loja xina iha Dili laran hodi fan atu hetan osan hodi selu rasik

Lee Mós :
Koronel Haksolok Alerta Atensaun ba FFDTL

Enkuantu, Ricardo hahú nia eskola primária públiku 12 Outubru Tasi-Tolu, iha tinan 2008-2012, remata kontinua pre- sekundária jerál 10 Dezembru Komoro iha tinan 2012-2015 remata kontinua eskola sekundária jerál 05 de Maiu Bekora 2016-2021 remata kontinua kedas eskola iha Institute Of Business (IOB), Fakuldade Ekonomia no Jestaun, Departamentu Jestaun no daudaun ne’e semester haat ona.

Nia dehan, maski eskola pre- sekundária mai fahe tempu livre hodi fan esbua hale’u Dili laran hodi hetan hodi sustenta ba nesesidade moris nian kada loron hanesan osan foto kopia matéria, osan bemo no uza nesesidade seluk tan.

“Ha’u fa’an es buah dezde ha’u sei eskola pre- sekundária remata kontinua eskola sekundária mós nafatin fahe tempu livre hodi halo negósiu ai mezmu servisu budu kasar ema viziñu hodi hetan osan hodi uza ba nesesidade moris loro loron nian,” Oan doben husi Adão Casimiro no Beatriz Exposto (matebian) ne’e konta ba Timor Post iha CCD Kaikoli, tersa (11/04).

Portantu, moris iha mundu buat hotu la fasil tanba buat hotu ho osan maka bele halo ba eskola bele sosa buat ruma han hodi aguenta ba moris loron aban nian se osan laiha oinsá maka sosa foos mina masin no hodi uza ba konsumu loro-loron.

Nia dehan, maski hasoru dezafiu oi-oin maibé, labele lakon vontade no labele lakon esperansa atu hamate vontade buka esforsu an nafatin hodi halo negósiu ki’ik ruma hodi bele responde ba nesesidade uma laran no mós bele uza ba sosa kadernu pasta, osan bemo nian.

Lee Mós :
OXFAM Hamutuk APFTL Lansa Peskiza Kona ba Joven nia Papél

Enkuantu, moris iha mundu sempre hasoru dezafiu oi-oin, maibé labele lakon esperansa buka esforsu liu husi maneira oi-oin bele tulun o hodi alkansa o nia mehi pasadu nian iha futuru sai nabilan maski la perfeitu maibé bele responde ba nesesidade moris loro-loron nian.

“Ha’u fan esbua no servisu budu kasar no fan ai-funan masa bainhira aproveita eskola universidade sira iha Dili laran serimónia graduasaun fan ai-funan masa hodi hetan osan hodi selu rasik eskola universidade nian no mós uza ba nesesidade loro-loron nian”, nia konta

Dili oan ne’e esplika, moris tenke iha prinsípiu ida katak labele hein de’it ema seluk maka ajuda maibé buka esforsu an liu husi maneira oi-oin hodi hetan osan atu bele sustenta ba moris atu nune’e iha futuru aprende moris mesak labele sadere ba ema seluk maka responde ba nesesidade moris uma laran nian.

Maibé koko esforsu an liu husi maneira oi-oin hodi hetan osan atu bele responde ba nesesidade uma laran nian, tanba joven ona labele hein de’it inan aman no família nia ajuda maibé, buka ajuda fali sira tuir o nia kbiit no nia forsa atu nune’e inan aman labele lakon konfiansa.

Nia konta, ai-funan ne’ebé nia fan iha graduasaun ne’e sosa iha loja xina sira iha Dili laran ho osan 200 USD depois lori mai iha uma tesi fita no enfeita ho boneka hodi lori ba fan fali iha serimónia graduasaun hodi hetan osan atu bele responde ba nesesidade uma laran.

Lee Mós :
Dependénsia ba Estaleiru iha Estranjeiru, Enjeñaria UNTL Hasoru PR Horta

Enkuantu folin ai-funan depende ba ai-fuan nia kualidade no enfeita boneka no fita diak entaun fan folin ida ho osan 10-12-13-14-15 UDS maibé ai-funan ki’ik ho folin 5 USD hodi nune’e ema bele sosa lalais hodi fó hadiu ba graduasaun sira.

Portantu atividade seluk ne’ebé kada loron nia halo maka depende oráriu eskola tama dadeer nia ba kampus fila husi kampus nia kontinua atividade fan esbua hotu deskansa viziñu balun nia ba halo servisu budu kasar hanesan taa simente no rai henek halo uma nia aproveita ba halo servisu hodi hetan osan.

Eis estudante eskola sekundária 05 Maiu Bekora ne’e haktuir, atividade diarreia ne’ebé nia halo ne’e hetan osan tau hamutuk hodi selu osan kada semestre nian no selu osan bemo no foto kopia matéria no balun ajuda nia tian sosa foos mina, masin, rinsu hodi uza ba iha uma laran.

“Ha’u kontente maski moris ne’e simples, inan- aman vida agrikultura, moris sente difisil maibé esforsu ne’ebé sira halo durante hetan rezultadu hodi selu rasik nia eskola universidade maski sei remata eskola maibé, nia garante katak husi sei termina nia estudu iha nivel lisensiatura iha future,” nia apresia.

“Ha’u fiar, iha futuru ha’u bele alkansa ha’u nia mehi pasadu nian, hakarak sai ekonomista no sai  emprezáriu ida hodi jere fundu ne’ebé ha’u iha hodi hadi’a ha’u nia moris família nian di’ak iha future,” nia hakotu (*)

 2,340 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ricardo Sustenta Moris Ho Fa’an Ai-funan” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No