DILI (timorpost.com)—Diretór Ezekutivu ANCI-TL, José Turky, iha nia intervensaun ba jornalista sira katak Timor-Leste ohin loron kazu soe bebé barak akontese. Aktu ne’e kada tinan sempre akontese.
Tuir dadus estatístika Organizasaun Noun Governamentál, Aliansa Nasionál Kombate Krime Infantisídiu Timor-Leste (ANCI-TL), hatudu katak, munisípiu Baukau ho Dili sai risku ba soe bebé.
“Estatístika hahú Janeiro to’o Agostu 2023 hatudu katak Munisípiu Baukau no Dili mak okupa ho persentajen a’as kontribui ativa ba soe bebé,” Nia haktuir ba Jornalista iha salaun FONGTIL, Tersa (29/08/2023).
Nia afirma, Janeiru to’o Agostu tinan ne’e, lakon bebé na’in tolu, ne’e iha Baukau no Dili.
Diretór ne’e hatete, kazu soe bebé iha Munisípiu Baukau, Postu Administrativu Baukau Villa, Suku Lamegua Villa Antigu, ne’e ANCI-TL hola medida no intervensaun ba fatin akontesimentu.
Iha prosesu Identifikasaun ba aktu refere hatudu katak bebé rasik hetan sunu.
Timor Leste ukun aan tinan 24 ona, maibé sidadaun sira lakon identidade umanu, hahú opta kultura ne’ebé moris ameasadu liuliu sunu no soe bebé iha sosiedade le’et hanesan animal.
Tanba ne’e, husu ba Parlamentu Nasionál hanesan órgaun fiskalizadora no halo Lei obrigasaun bo’ot hola medida imediata atu produz kuadru legal ho Estatutu Espesífiku atu kriminaliza autór sira ne’ebé mak kontribui ativu oho bebé.
Fenómenu ne’ebé maka akontese ida ne’e triste boot tebes, no ema hotu preokupa, saida maka presiza halo atu atua situasaun sira ne’ebé maka iha, presiza kria kondisaun tuir idak-idak nian kapasidade, kbiit no organizasaun ne’ebé maka servisu ba asuntu feto no labarik.
2,171 total views, 6 views today
Bele hare Video Seluk :