ADVERTISEMENT

CNRT Diskorda Governu Altera Lei Subsídiu Osan 200 USD

Mario da Costa - Ekonomia
Reportajen : Cardenio Alves
Editor : Mario da Costa
  • Share
Deputada Maria Fernanda Lay, Imajen Esp.

DILI (timorpost.com) – Bankada Opozisaun Partidu Kongresu Nasionál Rekonstrusaun Timorense (CNRT), la konkorda desizaun Governu ne’ebé halo alterasaun ba lei Subsídiu osan 200 USD.

“Ha’u lembra fila fali iha orsamentu ratifikativu, subsídiu ne’e ba ema vulneravel la inklui funsionáriu no mós la’ós ba ema hotu”, dehan hosi bankada CNRT, Deputada Maria Fernanda Lay, iha Parlamentu Nasionál, Kuarta (28/09).

ADVERTISEMENT
SCROLL FILA BA NOTISIA

Nia dehan, Parlamentu Nasionál aprova buat ida, maibé Governu implementa ba buat seluk, ne’e intensaun saida, karik tinan oin eleisaun Parlamentár nian, ne’ebé muda tiha intensaun lejizladór nian ho proposta husi Governu.

“Ha’u kestiona tanba momentu iha debate orsamentu retifikativu númeru ne’ebé Ministériu Administrasaun Estatál (MAE) fó sai ne’e númeru ida anterior inklui funsionáriu sira nian,” nia subliña.

Lee Mós:
Enkontru TLDPM, PR Horta Husu Lider Hotu Tenke Refleta ba Sira Nia Faillansu

Nia dehan, funsionáriu la tama oinsá ho númeru ida ne’ebá, númeru de’it sala ona, momentu Ministériu Administrasaun Estatál (MAE) fó iha debate orsamentu retifikativu, ha’u reklama maibé ema lakohi rona.

“Ita fó subsídiu ba ema hotu, ha’u la komprende osan hira maka sira ne’e iha ne’ebé liuliu subsídiu 200 USD ne’e,” nia preokupa “Promete ba Governu karik Millaun hirak ne’e fó tan ba funsionáriu, ne’e ha’u sei kestiona Governu, iha audiénsia Orsamentu Jerál Estadu (OJE) 2023, tanba pedidu ne’e ho urjénsia hodi bele komplementa sira-nia promesa iha eleisaun Parlamentár”.

Lee Mós:
Governu Tenke Buka Hatene Konstrusaun Igreja Ai-mutin

Nia esplika, tuir lei orsamentu ratifikativu subsídiu ne’e ba ema vulneravel de’it, nune’e ami husu númeru, maibé Ministru Estatál tau estimativa de’it, tanba ne’e mai ho númeru ida de’it.

“Númeru ida ne’ebé ha’u foti husi Ministériu Solidariedade Sosiál no Inkluzaun (MSSI), ne’ebé halo Pagamentu ho intensaun ba sira ne’ebé vensimentu kuaze 500 USD, maibé to’o agora mós seidauk fó fila hotu”, nia kestiona.

Alende ne’e Bankada Governu Partidu Libertasaun Popular (PLP), Deputada Maria Angelina Lopes Sarmento, hatete bazeia ba diskusaun hosi Orsamentu Jerál Estadu, kona-ba subsídiu désimu terseiru ba família.

Lee Mós:
Aban, Governu Lansa Subsídiu Fim Do Ano Iha Munisípiu Dili

Parlamentu Nasionál (PN), aprova ho misaun ida, katak Governu atu haree didi’ak agregadu familiar ne’ebé mais karensiadu. Tanba reseita uma-kain nian ne’ebé la atinje montante Saláriu atus lima ba leten ou órgaun titular soberania sira mós laiha direitu ba subsídiu 200 USD.

Tanba ne’e maka Parlamentu Nasionál (PN), aprova orsamentu ida ne’e, hodi fó hanoin ba Governu atu bele atribui subsídiu 200 USD ba kada uma-kain kondisaun povu ne’ebé moris vulneravel tebes-tebes.

 1,155 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CNRT Diskorda Governu Altera Lei Subsídiu Osan …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: