DILI (timorpost.com) – Bee Timor Leste Empreza Públiku (BTL, E.P), labele Kanaliza bee permanente ba Komunidade sira iha area Tasi-tolu, tanba Area refere nu’udar fatin protejidu, signifika fatin Estadu nian.
“Ita hatene katak area Tasi-tolu hetan fornesimentu bee hosi tanki dezervariu iha Gortota nian,” dehan Prezidente Ezekutivu BTL, E.P, Carlos Peloi dos Reis ba Timor Post Online iha nia kna’ar fatin Kaikoli Dili, Segunda (12/09).
Nia dehan, Bee Moos ne’ebé Komunidade Tasi-tolu maski temporária maibé konsidera nafatin fornese bee ba sira, tanba bee mak sai dalan ida ba moris.
Kanu bee ne’ebé BTL, E.P mollora mós daudaun ne’e paraliza uitoan, tanba intrompe ho reabilitasaun estrada, maibé nafatin fornese bee ba sira atu konsumu.
Karreta tanki la’ós iha area Tasi-tolu de’it mak sosa bee, maibé iha area Rai-kotu sira mós sosa hotu, dala-ruma sira sosa tanki ida 50 USD.
Fornesimentu asesu bee temporariu bele nafatin BTL, E.P fornesita ba komunidade sira, maibé presiza ho konxiénsia labele uza ligasaun Ilegál no mós uza fali Dap, signifika kada ema ida mak asesu hotu “power the water” entaun imposivel ba Komunidade seluk atu asesu.
Nia dehan, Area Tasi-tolu BTL, E.P labele kanalaza Bee no sistema permanente, tanba raí Estadu nian, ita-nia Governu liuliu Sekretáriu Estadu Ambiente deklara ona katak fatain refere ne’e fatin protejidu.
“Ita-nia Governu mós fó akordu ba setór privadu ida atu loke industrializasaun ida iha Tasi-tolu, tanba ne’e hosi aprte BTL, E.P labele kanaliza bee ho permanente, maibé garanate nafatin hodi fornese bee temporariamente ba komunidade sira hotu iha area Tasi-tolu. Nia hakotu.
2,574 total views, 3 views today
Bele hare Video Seluk :
Subscribe to Timorpost
