DILI (timorpost.com)—Sekretaria Estadu ba Igualdade (SEI) halo Workshop Kona ba faze Konsultasaun ba implementasaun Komitmentu Deklarasaun Maubisi Daruak husi Lina Ministeriu no Preparasaun ba faze Datoluk.
“Ohin SEI hala’o workshop ho liña ministeriais hamutuk ho parseiru BNCTL atu hare hamutuk kona ba programa Konsultasaun Revizaun Deklarasaun Maubissi Datoluk”. Hatete Sekretaria Estadu Igualdade (SEI), Elvina Sousa Carvalho, ba jornalista sira iha salaun City8, Kuarta ( 13/09/2023 ).
Nia haktuir, agora daudauk iha ona planu atu halo revizaun ba Maubissi datoluk, ne’ebé mak foka ba dezenvolvimentu feto iha area rurais liuliu ba iha Saúde, Infraestrutura, no Ekonomia.
“Objetivu husi Workshop ne’e molok atu halo revizaun, presiza halo konsultasaun ho ministériu save sira ne’ebé durante ne’e sai mós na’in ba kompromisu Maubissi datoluk, ho ida ne’e mak ohin ita inkilina mós partisipasaun husi Diretór Jerais, nasionais, no mós diretór munisipál sira”. Nia konta.
Save ne’e ida de’it, liu husi kompromisu revizaun Maubissi datoluk foti responsabilidade atu bele halo investimentu ba feto sira iha area rurais, liuliu iha dezenvolvimentu, Infraestrutura, Saúde no mós iha area importante seluk.
“Ita inkilina mós parseiru BNCTL hola parte hotu iha revizaun Maubissi datoluk tanba BNCTL mós parseira importante ida, ne’ebé mak durante halo mós sira nia papél ba empoderamentu feto iha vida ekonómiku.
2,827 total views, 3 views today
Bele hare Video Seluk :
Subscribe to Timorpost
