DILI (timorpost.com)—Movimentu Estudante Tane Oe-kusi (METO) lamenta ho hahalok Prezidente Autoridade Rejiaun Administrasaun Espesiál Oe-kusi Ambeno (REAOA), Arsenio Paixão Bano, ne’ebé fan rezidénsia Fulolo ba Mari Bin Amude Alkatiri, ne’e “Moe la iha”.
Rezidénsia Fulolo ne’e rai estadu nian la’ós privadu. Tanba ne’e labele fan rai estadu.
“Ami sente moe, bainhira lider rezisténsia importante ida fan rai estadu, sei ami mak iha nia fatin karik ami moe,” tenik estudante, Agostinho Quefi, iha Jardim 05 de Maiu Kolmera, Kuarta (23/08/2023)
Tanba labarik ki’ik oan sira fan pentolan iha sidade Dili atu sustenta família uma laran, maibé Arsénio Paixão Bano utiliza rai estadu hodi fan buka retornu ba aan rasik.
Iha fatin hanesan, estudante Manuel Saapan, subliña, hanesan joven ida triste, tanba aktu refere lakon ona sentidu nasionalizmu no patriotizmu TL nian.
Tanba uluk FRETILIN luta hodi ukun aan, ikus mai Arsénio Paixão Bano uza podér atu esplora rai Oekusi ba ema indivíduu ida.
Ho aktu ida ne’e, METO husu ba Nonu Governu atu demite Arsénio Paixão Bano hosi kargu Prezidente Autoridade.
Husu mós ba Parlamentu Nasionál liuliu komisaun C ne’ebé trata asuntu finansas públiku, lalais halo fiskalizasaun iha terrenu hodi rezolve problem refere.
4,211 total views, 9 views today
Bele hare Video Seluk :
Subscribe to Timorpost
