Timor Post (10/11/2020)- Prezidente Administrasaun Konsellu Kombatente Libertasaun Nasionál, Vidal de Jesus “Riak Leman” hatete, joven sira loke hirus matan hasoru inimigu iha loron 12 Novembru 1991, no iha momentu ne’e mak fó presaun maka’as ba governu indonézia tanba iha momentu ne’e mundu tomak hatene katak, indonézia kontra direitus Umanus hasoru Timor-Leste.
“Ami iha ai-laran ne’e ohin tiru iha ne’e, aban tiru iha ne’ebá no mate iha ne’e iha ne’ebá mós la sai iha televizaun, maibé ita nia joven sira mate sai kedas no hatudu ba mundu katak funu sei iha, Lori masakre santa Cruz iha Dili ne’e mak kondenasaun maka’as hosi mundu kontra indonézia”, haktuir veteranu rejiaun III.
Relasiona ho loron istóriku ne’e nia husu ba foin sa’e sira halo reflesaun, hametin unidade no la’o tuir saida maka juventude otas uluk sira halo hela.
“Ha’u hatene katak juventude ida masakre santa Cruz Dili ne’e katuas hotu ona, joven foin sa’e sira moris iha tinan 1999 sa’e mai ne’e la hatene lala’ok funu, maibé ha’u husu ba sira tuur hakmatek, unidade tenke metin, tenke ka’er tuir saida mak uluk imi nia maun sira halo iha funu no unidade funu nian tenke metin, hotu-hotu hamutuk koopera ho estadu no governu ita hotu la’o hamutuk nasaun ne’e sei la’o ho di’ak”, hatete Riak Leman hatete iha entrevista hafoin hasoru Malu PM Taur Matan Ruak iha Palasiu Governu, Tersa (10/11).
Asaun brutalizmu militár indonézia hasoru manifestante pro-independénsia iha 12 Novembru. 1991 liubá iha Santa Cruz Dili maka sai loron Masakre Santa Cruz. Asaun brutal ne’e hamate maioria joven nune’e to’o independénsia estadu Timor-Leste hatuur loron ne’e nu’udar loron juventude nasionál.
Maibé antes ne’e tinan-tinan Komite 12 Novembru sempre komemora ho misa iha Motael ba matebian Sebastião Gomez nune’e mos halo prosesaun ba Santa Cruz.(Jornalista: Jaime Pires)
870 total views, 3 views today
Oinsa Ita nia Reaksaun iha Notisia Nee?
You have reacted on “Masakre Santa Kruz Maka Mundu Kondena Maka’as I…”
Bele hare Video Seluk :
Subscribe to Timorpost1
/
2002
CALEMA "LA MAI TL SENTI LAKON HISTORIA IHA SIRA NIA MORIS"
IZLÁMIKU NO PROTESTANTE REKOÑESE TOLERÁNSIA IHA TIMOR NE’E ÚNIKU
PM XANANA: DEZENVOLVIMENTU TENKE HADI'A SIDADE DILI
1
/
2002
