DILI (timorpost.com)—Governador atuál Banco Central Timor-Leste (BCTL), Hélder Lopes sei lidera BCTL ba tinan ne’en, hahú husi períodu 2023-2028.
“Ha’u hato’o agradese ba Primeiru Ministru ne’ebé depozita konfiansa, ha’u atan atu lidera Banku Central Timor-Leste ba mandatu tinan neen,” Nia hato’o liuhosi diskursu hafoin simu tomada de posse iha edifísiu BCTL Kait, Kuarta-Feira (13/09/2023).
Eis Vise-Ministru Finansas ne’e promesa, konfiansa ne’ebé simu, sei hala’o ho professional responsabilidade integridade ho dedikasaun tomak.
“Durante ha’u nia mandatu sei kontinua servisu hamutuk hodi dezenvolve BCTL. Tanba BCTL nu’udar instituisaun polítika ida ne’ebé atua programa no independente professional no integridade ba dezenvolvimentu finanseiru ne’ebé seguru efisiente inkluzivu komparativu no sustentavel hodi fasilita dezenvolvimentu sosiál ekonómiku iha Timor Leste”. nia haktuir.
Iha oportunidade ne’e mós, governadór atuál ne’e hato’o agradese ba Governadór sesante Abrão Vasconsello ne’ebé tinan 12 lidera instituisaun ida ne’e, hahú hosi Bank Payment Accurity (BPA) to’o transforma aan ba Banco Central Timor Leste (BCTL).
“Los dunik katak durante ne’e Governadór sesante, Abrão Vasconsellu, hamutuk ho membru konsellu administrasaun sesante fó ona kontribuisaun ba BCTL no ba dezenvolvimentu setór finanseiru iha rai ida ne’e durante tinan barak nia laran”. nia dehan.
“Ha’u promete sei kompleta saida mak hala’o ona husi estrutura sesante atu bele dezenvolve liután mutu finanseiru BCTL kualidade iha nasaun ne’e”.
Iha ámbitu ida ne’e, permite atu site Primeiru Ministru, Kay Rala Xanana Gusmão, fó mensajen ne’ebé tau iha dokumentu planu ba dezenvolvimentu setór finanseiru iha Timor Leste, “Dezenvolvimentu setór finanseiru labele separa hosi dezenvolvimentu ekonomia en jerál, tanba sira iha inter independénsia. Setór finanseiru atu kontribui ba objetivu dezenvolvimentu TL nian ne’ebé instekula iha planu dezenvolvimentu nasionál 2014-2030”. Hakotu.
3,144 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Hélder Lopes Sei Lidera BCTL ba Tinan Neen](https://timorpost.com/wp-content/uploads/2023/09/bctl.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)