DILI (timorpost.com) – Primeiru Ministru (PM) Kay Rala Xanana Gusmão ho Prezidente Repúblika (PR) José Ramos Horta ko’alia kona-ba preparasaun hodi simu Amu Papa Francisco ne’ebé mak atu mai iha fulan Agostu 2024.
Primeiru Ministru Kay Rala Xanana Gusmão, afirma, iha reuniaun Konsellu Superior ne’e ko’alia mós kona-ba preparasaun atu simu Amu Papa atu mai vizita Timor-Leste iha fulan Agostu tinan ne’e.
“Ami ko’alia mós kona-ba ita nia preparasaun atu simu Amu Papa iha Timor,” PM Xanana hateten ba Jornalista sira iha Palasiu Prezidensiál Nicolau Lobato, Bairru Pité, Kuarta (08/02).
Xefe Governu ne’e afirma liután katak, komisaun husi Vatikanu informa tiha ona ba komisaun ne’ebé mak Governu Timor-Leste prepara, komesa hala’o ona ninia servisu.
“Mai iha Agostu, ita sei iha tempu naruk atu halo buat hotu ne’ebé komisaun tenke halo,” PM Xanana subliña.
Tanba Amu Papa idade tiha ona, tanba ne’e tenke prepara ho didi’ak, no Amu Papa mai ne’e iha fatin haat mak primeiru ba Portu-Morsvi depois mai Timor-Leste, no ba tan Singapura no husi ne’ebá mak ba Jakarta-Indonézia.
Tanba ne’e, Prezidente Repúblika José Ramos Horta, husu ba Governu atu koordena malu hodi prepara daudauk, tanba iha fulan Maiu komisaun husi Vatikanu sei mai tan Timor-Leste, komisaun mai ne’e atu haree preparasaun to’o ona iha ne’ebé.
4,344 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Horta-Xanana Diskute Preparasaun Simu Papa Francisco](https://timorpost.com/wp-content/uploads/2024/02/Xanana-Horta.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)