DILI (Timorpost.com)–Notísia di’ak ba fans múzika hosi kantór Calema husi São Tome Prínsipe, artista ne’e konfirmadu sei mai Timor-Leste.
Calema iha ninia followers liu millaun 5 iha sosiál media no videos sira hetan vizualizasaun millaun 100 no halo beibeik konsertu no parseria ho artista boot husi Árabe, Europa, Áfrika, Amérika Latina, enkuantu seidauk halo konsertu iha ASEAN.
“Ami hili Banda Calemas tanba Timor-oan gosta duni no rona beibeik sira nia múzika maski la identifika didi’ak sira-nia naran…entaun hanesan oportunidade úniku atu sira mai no liuhusi sira-nia vijibilidade boot kontribui atu promove artista timor-oan mak kreativu, maibé dala ruma laiha vizibilidade boot” informa Luís Simões hosi kompañia Even2u ba Timor Post iha nia knar fatin, Dili, kinta 18/04).
Even2u hahú komunika ba Calema iha tinan rua ba kotuk, tanba ekipa jestor Calema nian koñese di’ak liu kompañia Even2u nia na’in. Ida ne’e tempu kleur tanba Calemas, hanesan banda mak rekizitadu sempre hetna oportunidade internasionál iha Portugal, Europa no Áfrika, entaun sira nia ajenda full ba tempu naruk.
Kantor Calema mai husi São Tome Prínsipe nasaun ida mak hola parte husi CPLP, mak nivel dezenvolvimentu no nasaun ki’ik, hanesan uitoan ho Timor-Leste, hanesan illa ida moos no mós sira hahú sira nia kareira kanta iha eventu kiik-oan to ohin loron sai famozu, sira bele sai ezemplu ba artista Timoroan katak maski mai husi realidade hanesan ne’e bele moos bainhira esforsu makaas atu sai koñesidu hanesan Calemas no hetan susesu boot iha rai li’ur.
Prepara Billete 30.000
Maski Festival akontese iha fulan-Maiu de’it, no komisaun sei prepara billete ba hare na’in sira, iha tipu billete-tolu ne’ebé mak la hanesan. folin baratu liu dolar 4 de’it, ho objetivu atu suporta joven estudante ne’ebé mak laiha rendimentu bele faan ita-nia billete no sira hetan komisi husi kada billete mak sira faan.
“Ami nia billete válidu ba loron-rua, ami la fan billete ba loron ida de’it tanba ami lakohi atu ema mai atu haree artista internasionál de’it, haree artista nasionál moos tanba ami hakarak sira valoriza moos artista rai-laran, ami-nia tarjetu ema ba eventu ida ne’e durante loron rua ho ema 30.000,” sita Luis.
“Ami moos hein atu halo eventu mak diferente no úniku, no agora ho TasiFest mak eventu ida ho signifikadu tebes Timor oan hotu,” deklara komisaun ne’e.
Ekipa ne’ebé servisu iha kompanha Even2u Mak hanesan ekipa organizasaun, to’o agora kompostu ba ema internasionál nain rua no 43 timor-oan. Husi idade 18 to 34 maka ho sira nia kriatividade, vontade no profisionalizmu bele halo eventu ida ne’e boot ho kualidade internasionál.
2,850 total views, 6 views today
Bele hare Video Seluk :
Subscribe to Timorpost
