DILI, (timorpost.com)—Relasiona ho Tribunál Rekursu (TR) ne’ebé dekreta inkonstitusionálidade ba pedidu CNRT liga ho Lei Konsesaun ba Indultu no Komutasaun Pena mak Prezidente Parlamentu Nasionál Maria Fernanda Lay hatete kona-ba lei Indultu ne’e lalika book mós di’ak.
PPN Fernanda Lay , dehan, liga ho lei indultu ne’ebé maka Tribunál Rekursu (TR) hasai ona akordeaun hodi deklara inkonstitusionálidade ba alterasaun lei Konsesaun Indultu no Komutasaun Pena, artigu 6. no númeru 1, 4 no 5 artigu 7.º, lei 20/2023, de 12 de Dezembru ne’e, ne’ebé sira konsidera viola konstituisaun ne’e, tuir nia katak halo diskusaun hodi halo alterasaun mós di’ak.
“Ha’u husu ba ita bo’ot lei enkuadramentu orsamentál mós iha artigu balun iha ne’ebá Tribunál hatete, pedidu CNRT inkonstitusionál, lei la altera artigu ne’e mate, ne’ebé artigu balun iha lei indultu lalika bo’ok mós laiha buat ida, “dehan Fernanda Lay ba jornalista sira iha Palásiu Prezidensiál Bairru-Pite Kuarta (17/04).
Molok ne’e, Tribunál Rekursu hasai desizaun hodi deklara inkonstitusionálidade ba lei konsesaun indultu no komutasaun pena.
Ho ida ne’e tribunál Rekursu notifika kedan Parlamentu Nasionál liuliu 1/5 Deputadu ne’ebé antes ne’e hatama pedidu ba Tribunál Rekursu hodi husu Tribunál Rekursu halo fiskalizasaun abstrata ba Lei Konsesaun ba Indultu no Komutasaun Pena.
Bazeia ba iha notifikasaun ne’ebé Tribunál notifika ba Parlamentu kona-ba lei 20/2023 Lei Konsesaun Indultu no Komutasaun Pena artigu 6 no artigu 7 iha númeru 1 to’o 5 ne’e deskreve nu’udar forsa obrigatóriu jerál.
Enkuantu antes ne’e, iha fulan Dezembru 2023 iha 1/5 Deputadu Parlamentu Nasionál hato’o pedidu ba iha TR hodi husu Tribunál Rekursu halo fiskalizasaun abstrata ba Lei konsesaun Indultu-Konsesaun Komutasaun Pena.
1,008 total views, 3 views today
Bele hare Video Seluk :