DILI (timorpost.com)—Sekretáriu Estadu Kooperativa (SEKOOP), Kuarta-Feira (20/09/2023) halo lansamentu Fini Bafo Kay Rala ba Grupu Movimentu Kamponezes Timor Leste (MOKATIL) hosi Munisípiu 13 inklui Rejiaun Administrativu Espesial Oe-Cusse Ambenu (RAEOA).
Portantu, grupu kooperativa ne’ebé eziste iha munisípiu mak, Aileu, Lautem, Baukau, Manatutu, Ermera, Likisá, Bobonaru, Vikeke, Kovalima, Ainaro, Manufahi, RAEOA no Dili.
“Grupu sira ne’e eziste nanis ona, hahú iha 2011, ne’ebé kuaze iha territóriu laran tomak total membru MOKATIL hamutuk 72 mill,” SEKOOP, Arsenio da Costa Pinto, ba Timor Post iha Salaun SEKOOP Akait, Kuarta-Feira (20/09/2023).
Tanba ne’e, SEKOOP halo Lansamentu ba Fini Bafo Kay Rala, ne’e sira sei implementa iha munisípiu ida-idak nian.
Nia hatete, SEKOOP mós servisu hamutuk ho Ministériu Agrikultór Pekuária Peska no Floresta (MAPPF) apoiu ekipamentu hodi fila rai. Ekipamentu ne’ebé apoiu kuaze 5 mil ital.
Alende ne’e, apoiu fundu ho total orsamentu dollar Amerikanu 300 mil ba territóriu laran tomak, ne’e Orsamentu Retifikativu (OR) 2023 nian.
“Tanba programa SEKOOP iha 120 dias ne’e prioridade ba produtu sira. Entaun fim de Dezembru sei halo lansamentu ba produtu farina, foos, masin-midar, dosi inklui produtu sira seluk,” SEKOOP Arsénio da Costa Perreira promete.
Nia dehan, kooperativa hirak ne’e la’ós haree de’it produtu. Maibé balun hakiak ikan, fina ba Fahi, Karau no Bibi. Ida ne’e programa IX Governu nian liuliu SEKOOP.
549 total views, 3 views today
Bele hare Video Seluk :
Subscribe to Timorpost
