Dili (timorpost.com) – Asosiasaun HAK halo lansamentu kona-ba video Istória susesu Bee Moos no mós iha fatin video dokumentáriu ida esforsu ba esforsu.
“Ohin ami lansa video ne’e nia objetivu katak video ne’e nu’udar estratéjia advokasia ne’ebé HAK halo ona Kapitalizasaun husi Istória susesu ne’ebé GMF foti Papél importante ba sustentabilidade bee moos nian”, Diretór Asosiasaun HAK, Sisto do Santos, hateten hafoin serimónia lansamentu iha Salaun HAK, Faról, Sesta(16/09).
Nia dehan, ohin lansa ona ba iha fatin video dokumentáriu ida ba esforsu ne’ebé sira-nia Grupu Maneja Fasilidade, no Grupu ne’e Komunidade sira maka envolve iha laran ezemplu iha Aldeia ida, sira ne’e Parseiru Nasionál ne’ebé Governu instala ona hodi hari Tanki.
Maibé, hafoin ida ne’e tanki no kanu at, entaun komunidade sira labele asesu ba bee moos, ho nune’e HAK nia esforsu hodi akompaña sira, halo estrutura ba sira-nia estrutura Grupu Maneja Fasilidade ne’e.
No kontribui ba sira-nia taxa Regular ida ne’ebé Kuarter kada Fulan no felizmente ba Munisípiu Rua maka husi Likisá no Manufahi.
“HAK nia papél, atu halo kapasitasaun ba sira no mós lori Matéria Direitu Umanu ba Komunidade sira katak bainhira Ema ruma ne’ebé hetan ona Bee nia iha obrigasaun atu tau matan.
Nia dehan, Serake Ema ruma ne’ebé Estraga hela sasán sira ne’e no kanu ka Tanki, ne’e kriminaliza no mós bolu sira hodi tau sasán no Xefe Suku tenke keixa.
“HAK nia haree ne’e hanesan esforsu ida ne’ebé inisiu tanba atu tau matan no fornese bee ba ita-nia komunidade ne’e obrigasaun ba ita-nia Estadu maka Parlamentu Nasionál sira tenke aprova osan. Ba asuntu nee dezde tinan kotuk ne’e nia sirkula de’it iha pontu no porsentu ida de’it husi orsamentu jerál estadu, maibé osan ne’e la sufisiente ne’ebé ita kompara ho asuntu sira seluk”, nia afirma.
Alende ne’e Diretór País water Timor-Leste, Justino da Silva, afirma ohin Asosiasaun HAK lansamentu ne’e hodi halo advokasional hodi iha loron ruma bele haree katak hot-hotu bele asesu ba bee moos.
“Ami advokasia hodi Governu bele hasae finansiamentu ba iha bee saneamentu, so ke liuhusi sosiedade sivíl mak eziste hanesan plataforma bee saneamentu. Ha’u hanoin atu foti pratika di’ak ba munisípiu Manufahi no Likisá ne’ebé hanesan ita haree katak ida husi Grupu Maneja Fasilidade ne’e maka ohin asosiasaun públika sira-nia video ne’e”, nia hakotu.
1,301 total views, 3 views today
