Dili (timorpost.com) – Timoroan komemora Loron Proklamasaun Independénsia ba da-47, Sosiedade Sivíl sira, tau esperansa ba Ukun-Na’in sira atu ukun nasaun hi povu ne’e ho di’ak.
Diretór Ezekutivu Luta Hamutuk, José Alves, hatete ohin loron Selebra Aniversáriu Proklamasaun Unilateral Independénsia Timor-Leate 28 Novembru ba dala-47, espera ukun nain-sira Ukun Nasaun ida ne’e ho di’ak no povu nia moris sai di’ak.
“Ha’u hanoin dahuluk atu fó agradese no ha’u-nia Parabéns ba ita-nia eroi sira ne’ebé fó sira-nia vida no sakrifika tomak ba libertasaun nasionál, maski deklara universalmente”, nia hateten ba Timor Post Online, iha Faról, Segunda (28/11)..
Nia dehan, luta ida ne’e maka sai hanesan banati ida ba eroi sira seluk no Partidu sira seluk iha momentu ne’ebá para bele konjuntu Forsa hodi luta no ohin hetan ona libertasaun nasionál.
Tanba ne’e hakarak hato’o alegria no kontente ba iha loron ohin selebrasaun 28 Novembru loron Proklamsaun Unilateral Independénsia Timor-Leste nian.
Nia hatete, independénsia ida ne’e la’ós hetan ema fó iha bandeza laran, maibé liuhusi prosesu naruk, joven sira iha momentu ne’ebá sakrifika sira-nia vida no sakrifika sira-nia família no ate ohin balun sei lakon.
“Maibé sira la sura kolen, tanba ne’e ohin ita selebra ona tinan 47, espera ho komemorasaun loron 28 Novembru ne’e iha tinan 2022, ida ne’e bele fó hanoin fila fali ba ita-nia ukun nain-sira atu ukun Nasaun ida ne’e ho di’ak no povu nia moris sai di’ak”, nia hakotu.
1,681 total views, 6 views today
Bele hare Video Seluk :
Subscribe to Timorpost
