DILI (Timor Post.com)—Professor Kontratadu tinan 2023 hamutuk 1.449 deside boikota sira nia devér nu’udar manorin na’in, tanba deklarasaun Ministériu Edukasaun (ME), deside hapara sira nia kontratu.
“Ami hakarak boikota ami nia devér nu’udar manorin na’in, atu lakohi hanorin estudante sira, tanba deklarasaun ministra edukasaun atu hapara ami nia kontratu,” deklarasaun ne’e hato’o husi porta voz Amalia Rodrigues Ximenes liuhusi konferénsia Imprensa, iha Jardim 5 de Maiu, Tersa-feira (19/09/2023).
Tu’ir porta voz hatete, deklarasaun refere ami professor/a hamutuk 1.449 lamenta tebes, tanba hakarak hapara ami, nune’e ami deside lakohi hanorin no fó ezame nasionál ba estudante sira.
“Ami hetan oportunidade kontratu ida ne’e, liu husi vagatura legal, nune’e Ministériu Edukasaun deside atu hapara ami nia kontratu, presiza klarifika loloos. La’o tuir dekretu lei legal ruma”
Nia dehan, deklarasaun ne’ebé Ministériu Edukasaun hatún atu hapara ami profesór/a kontratadu 1.449 tinan 2023, ne’ebé deside hapara ami nia kontratu, ami mós sei deside atu boikota ami nia devér atu hanorin no fó ezame nasionál ba estudante sira.
Tanba ami ho espíritu voluntáriu de’it hanorin estudante tinan sia kuaze balu atinje tinan sanulu (10) ona, maibé foin mak hetan oportunidade ba kontratu, maibé konfunde fila-fali, bainhira Ministra Edukasaun deside atu hapara ami nia kontratu.
“Husu ba órgaun estadu Timor Leste, liuliu Prezidente Repúblika José Ramos Horta, Primeiru-Ministru Kay Rala Xanana Gusmão, no Presidente Parlamentu Nasionál inklui Tribunal, atu fó solusaun serteza ba preokupasaun ne’ebé ami enfrenta.” Nia rekomenda.
Prosesu ida ne’e mak kontinua nafatin, ami sei kolabora Profesór/a kontratadu iha territóriu timor laran, foti desizaun atu boikota nia devér sira nu’udar manorin na’in iha eskola sira, liuliu fó ezame nasionál ba estudante sira. Nia hateten.
3,700 total views, 6 views today
Bele hare Video Seluk :
Subscribe to Timorpost
