DILI-Diretór Nasionál Lojístika, Fernando Cardoso, Diretór Administrasaun no Finansas, Abel Abreu da Costa Belo, inklui funsionáriu sira iha Ministériu Interior hala’o limpeza iha aredores resintu Vila-Verde.
Timor Post asesu informasaun ne’e liuhosi Serviços Relações Publicas iha Ministériu Interior, ne’ebé mak ko’alia kona-ba atividade limpeza hala’o hosi funsionáriu sira iha Vila-Verde, Sesta (17/03).
Objetivu husi Limpeza ne’e hodi prevene surtu dengue tanba haree ba evolusaun kazu dengue kontinua aumenta kada loron iha ne’ebé bele fó risku ba saúde públika no movimentasaun ema no funsionáriu sira ne’ebé servisu iha fatin ida-ne’e.
Bazeia ba polítika governu nian atu redús númeru fumadór sira iha Timor-Leste, tuir dekretu lei númeru 14/2016, 8 Juñu kona-ba rejime kontrolu tabaku maibé konsumidór kontinua konsumu sigarru no laiha konxiénsia hodi soe sigarru nia rohan iha lixu fatin aat liután soe arbiru iha resintu nia oin tuir sira-nia hakarak.
Servisu Relasoens Públikas observa katak lixu no sigarru rohan hirak ne’e maioria produz husi funsionáriu sira ne’ebé mak servisu iha resintu no edifísiu ida-ne’e.
Hafoin remata limpeza lixu hirak ne’ebé funsionáriu no estudante estajiáriu sira hamoos tula ba karreta lori ba soe iha lixeira Tibar.
427 total views, 3 views today
