DILI (Timor Post.com)—Prezidente sindikatu Francisco da Costa iha konferensia Imprensa ne’ebe halao iha Jardin 5 de Maiu hatete bazeia ba nota verifikasaun ne’ebe halo husi ekipa Ministériu Edukasaun (ME) kria irregularidade ba profesór kontratadu sira, tanba professor/a ne’ebé la prenxe rekizitu hetan hotu oportunidade.
“Ha’u hanesan Prezidente sindikatu, nu’udar mahon ba profesór sira, nota katak sistema verifikasaun ne’ebé ME halo ne’e nakonu ho diskriminasaun no injustisa.” Prezidente Sindikatu Francisco da Costa Fernandes ba Jornalista sira iha Jardín 5 de Maiu, Tersa-feira (19/09/2023).
Prezidente Sindikatu ne’e hatete, ekipa verifikasaun Ministériu Edukasaun, kria irregularidade, tanba profesór balun naran la tama kritériu hetan oportunidade ba kontratu, maibé profesór balun ne’ebé ativu hanorin, kuaze tinan sanulu (10), la hetan kontratu.
Tanba ne’e mak ita konsidera ME kria irregularidade ba professor kontratadu sira, realidade balun laiha diploma baxarelatu maibé naran liu kritériu, balun ne’ebé iha laliu, entaun ne’e desizaun irregularidade ne’e implika direitu sidadaun, liuliu professor sira.
“Ita labele kria irregularidade atu foti professor ne’ebé laiha kapasidade, no foti husi toos mai hanorin, maibé ita foti profesór ne’ebé profisionál esperiénsia di’ak, hodi hanorin estudante sira ho di’ak, atu bele dezenvolve nasaun ho di’ak.” hakotu.
1,617 total views, 3 views today
Bele hare Video Seluk :
Subscribe to Timorpost
