Dili (timorpost.com)—Sekretáriu Estadu Ambiente (SEA), Demétrio Amaral de Carvalho, fó pose ba órgaun Diretiva Estrutura Autoridade Nasionál Lisensiamentu Ambientál Institutu Públiku (ANLA I.P) na’in haat.
Estrutura na’in-haat ne’e iha parte Diretór Unidade Asuntu Kooperativu, Diretór Unidade ba Fiskalizasaun Ambientál, Diretór Unidade Lisensiamentu Ambientál no Sekretáriu Jerál ANAL,I.P.
“Ha’u hato’o agradese boot ba família sira susesu sei de’it depende ba fatór uma laran parseiru sira ne’ebé hamutuk no mós inan-aman sira harii fundamentu ba oan sira iha inisiu edukasaun to’o sira nia karreira profisionál”, dehan Demétrio Amaral de Carvalho, iha salaun Esperansa Ai-muti, Sesta (12/05/2023).
Nia agradese ba inan aman sira nia sakrifísiu durante rekursu sira nian iha banku eskola to’o sira nia karreira profisionál ita boot nia sira apoiu alkansavel ne’e importante los ba konstrusaun estadu no ohin estadu empresta sira hosi ita boot sira nia uma hametin dezenvolvimentu nasionál.
ANLA, I.P hanesan haas ne’ebé mak nia imajina kuda tiha ona, labele husik nia sanak ida ema tesi ho ida ne’e hein katak ho sira na’in-haat bele servisu hamutuk hodi haburas liu tan ANLA, I.P.
“Dala ida tan ha’u fó parabéns ba imi no prezidente ANLA,I.P ho esforsu ne’ebé mak imi halo no mós ekipa tomak hosi meu ambiente nia dezeju susesu ba imi hotu”, nia hato’o.
Nia deklara, iha tinan kotuk liu ba to’o ohin loron oitavu governu mak sira hahú halo selesaun pormeritu ba da-rua, ne’e iha tempu sei halo makaas liu tan hodi halo rekrutamentu pormentu, sai hanesan kultura foun iha instituisaun públiku sira.
“Nune’e rekrutamentu pormeritu ne’e importante los atu reforsa servisu sira iha area sira ne’ebé ezije kompeténsia tékniku iha ambiente ida ne’e, servisu tékniku duni formasaun dokumentu sira ba lisensiamentu ambientál ne’e ezerse ema sira iha koñesimentu ba iha servisu enjeñaria, jeolojia, turizmu”, Sekretáriu esplika.
Iha sorin seluk emposadu internal-nomeasaun, Rafael do Carom, dehan Primeiru haluha agradese ba Aman Maromak, tanba liuhosi nia tulun no hamutuk mak ohin loron bele hetan nomeiasaun hanesan Sekretáriu Jerál ba Autoridade Servisu Ambientál. No agradese ba Sekretáriu Estadu Meiu Ambiente no Prezidente ANAL,I.P inklui no kolega funsionáriu hotu no kolega sira ne’ebé mak simu pose ona.
“Esperansa ba oin fiar katak ho tomada de pose ba kargu Xefe na’in haat liuliu ba diresaun rua ne’ebé mak importante tebes espera ba oin ita aumenta lisensa bele to’o hahú tinan ida ne’e to’o tinan oin ami bele aumenta barak liu tan”, nia subliña.
1,833 total views, 3 views today
Bele hare Video Seluk :
Subscribe to Timorpost
