Dili (timorpost.com)—Konstrusaun reabilitasaun projetu komunitariu Eskola Ensinu Báziku Filian (EBF) No 2 Bebonuk finaliza ona, maibé loron atu halo inaugurasaun seidauk fixu.
Koordenador Eskola Baziku Filial No 2 Bebonuk, Felisberto da Cruz, hatete eskola sira ne’e sei halo hotu inaugurasaun iha postu Administrativu Metinaru iha tempu badak nian laran, maibé loron fixu mak seidauk klaru.
“Konstrusaun reabilitasaun eskola refere remata ona, inspensaun hosi Agensia Dezenvolvimentu Nasional (ADN) mai haree ona no mós Ministeriu Edukasaun Juventude no Desportu mai observa hodi hela preparasaun ba inaugurasaun iha tempu badak nia laran, maibé loron fixu ba inaugurasaun mak seidauk fixu”, dehan Felisberto da Cruz, ba Jornalista Timor Post, Kinta (13/04).
Eskola ne’e antigu, maibé Ministeriu Edukasaun Juventude no Desportu ho grupu komunitariu Eskola mak responsavel jere osamentu hodi halo reabitasaun de’it, agora remata ona.
“Ami agradese tanba governu reabilita ona eskola ida ne’e, tanba antes ne’e hasoru difulkudade barak, halo estudante sira tuir aula mos la ho di’ak, maibé agora kuaze di’ak hotu hodi estudante sira tuir prosesu apredizajen ho diak”, nia tenik.
1,683 total views, 3 views today
Bele hare Video Seluk :
Subscribe to Timorpost
