DILI (Timorpost.com) Lider Nasional Kay Rala Xanana Gusmão, husu ba estudante sira husi Universidade Dili (UNDIL) joven sira kaer metin pensamentu tolu, maka pensamentu Livre, Kritiku no Autonomu hodi haree prosesu konstrusaun Estadu no Nasaun.
Xanana Gusmão, hatete nuudar estudante neebe estuda iha universidade imi ida-idak tenke hanoin rasik katak, saida mak nia koalia hakerek hela hodi lori hela ba haree took los ka lae.
Tanba ida nee ema ida-idak hahu ho imi nee estuda iha universidade, tenke iha hanoin neebe mak Livre, Kritiku no Autonomu.
“Livre katak sa, livre laos o ema seluk mak dehan o tenke koalia hanesan nee, o tenke koalia hanesan nee lae, hau rasik mak tenke koalia hau rasik mak fo hanoin maka hau koalia”, Lider Nasional koloka asuntu nee ba estudante UNDIL iha palestra akademiku ho tema Prosesu Konstrusaun Estadu no Nasaun iha salaun CCD Merkadu Lama, Sabadu (15/04).
Tanba ema ida nia an hanoin katak ida nee sala ida nee los, maka nia bele hasai konkluzaun, livre ba nia koalia laos ema ida mak dehan ba nia atu koalia, hanoin mesa-mesak mak imi diside.
Pensamentu kritiku katak, bainhira nia koalia ida nee, hahalok ida nee no hahalok ida neeba, imi buka atu haree took, saida maka atu hanoin hodi koalia.
Eis PM esplika, saida mak los saida mak sala, imi hatene tiha aspetu oi-oin neebe akontese, maka imi bele dehan katak ida nee mak los ida nee mak sala, hodi imi bele hetan konkluzaun kritika nee.
“Hanoin kritiku laos ita hanoin kritiku deit, katak o mak halo ida nee o mak halo ida neeba, nee laos”, nia fo hanoin.
Tuir Xanana katak, hanoin kritiku nee dehan katak haree mak saida maka los saida mak sala, ema haree katak loloos duni tanba sala ladun, kuandu sala nee sala duni tanba los ladun.
Ho ida nee mak atu hanoin kona ba pensamentu livre no pensamentu kritiku, kuandu ema ida iha ona pensamentu kritiku, ema ida bele hamosu auto kritiku.
“Ita haree ba ita nia an rasik hahalok rasik, hodi haree katak ida nee oh ida nee hau halo sala atu bele korize aan no hadia aan”, Xanana Sublina.
Xanana hatete, kuandu ema laiha pensamentu kritika lori ema ida hametin nia aan no hahalok hodi bele hadia aan.
Iha pensamentu autonomu labele hanoin katak ema hotu-hotu tenke hanoin hanesan nee, ema hotu-hotu tenke repete hanesan orasaun nee lae.
Autonomu katak laos ema ida mak haruka koalia hanesan nee, maibe nia mak hatene oinsa nia atu koalia hanesan nee, ho buat sira nee hotu loke imi nia hanoin uituan,
Lider rezistensia nee apela liu tan ba estudante no foin sira katak, prepara aan agora para ba futuru imi hanorin ba oan sira hanorin imi nia maluk sira seluk hodi responsabilidade boot ba iha rai ida nee.
Husi hanoin hanesan livre, kritiku automu, imi bele haree ona ba prosesu konstrusaun estadu, prosesu konstrusaun estadu laos ema ida ba hadak fatuk lae, maibe liuhusi partidu politiku.
“Hau koalia ba Joven sira katak atu imi bele hetan ajuda ho hanoin neebe diak, konkluzaun ruma neebe diak ba imi nia analiza”, nia hatutan.
Konsentu ida importante tebes, konseitu nee mak bolu baibain dehan, Pratika é o Criterio de Verdade, pratika maka Kriteriu Verdade.
3,200 total views, 3 views today
Bele hare Video Seluk :
Subscribe to Timorpost
