DILI (Timor Post)-Polisia Nasional Timor Leste (PNTL), Nia Ekipa Patrolli Kristu Rei, Forsa Reserva no Ekipa Tránzitu halo operasaun no pasa revista kalan rua iha area Metiaut nian konsege Prende Motorizada hamutuk 200.
Informasaun nee, hatoo husi Komadante Polisia Munisípiu Dili, Superintendente Xefe Henrigue da Costa, ba jornalista sira iha nia knaar fatin Komandu Munisípiu Dili, Tersa (12/07).
“Iha semana kotuk, operasaun ne’ebé ita hala’o, tantu ha iha passa revista, ita konsentra iha Metiaut nian, kala-rua ne’e kuaze Motorizada hamutuk atus rua, ne’ebé ita-nia patrolli kristu rei, Forsa reserva ho mós tránzitu nian prende lori mai iha Komandu Munisípiu hodi aplika multa,” nia dehan.
Nia hatete, Evidensia sira ne’e, tanba nain la kumpre regras, balun laiha dokumentu, balun la uza asesoris motor ka karreta nian, balun laiha karta kondusaun no balun kartaun kondusaun mate, sira ne’e hotu mak daudaun lori mai iha komandu Munisípiu Dili, hodi halo prosesu.
“Iha operasaun ne’e, ita la hetan arma branka ruma, no operasaun ne’e ita nafatin hala’o, ita hatene iha kristu Rei kuandu fin de semana, ema sempre uza fatin ne’ebá, balun halai taru motor,” nia informa.
Nia dehan, movimentu iha Dili laran ne’e barak, maibe maioria la kumrpre regra ne’ebé iha, tanba ne’e mak sira halo operasaun ne’e no konsege hetan duni evidensia barak.
“Ami planu ba semana ne’e, nafatin la’o ain, pasta revista mós nafatin halo, ita target ne’e ba fatin ne’ebé ita indetifika sai hanesan risku ba iha problema,” nia hateten.
Nia dehan, fatin sira ne’ebé sira indetifika risku mak hanesan, iha kristu rei mak iha parte Bekuse, Nuu laran Mataduru nian, Dom Alexo nian mak iha Bairru-Pité, Delta 1 ko Delta 3, ikus-ikus sempre mosu provokasaun iha ne’ebá, tanba ne’e patrolia sira sei halo atividade movimentu ba iha ne’ebá, atu nune’e hodi prevene.
1,967 total views, 3 views today
Bele hare Video Seluk :
Subscribe to Timorpost
