DILI (Timor Post) – Ekipa Opersaun Konjuntu Polisia Nasionál Timor-Leste (PNTL), husi Seksaun Polisia Tránzitu, Servisu Investigasaun Kriminál Munisípiu Dili, Kaptura Joven Mane ida no prende Motorizada 31 ho karreta 2, ne’ebé viola lei kódigu estrada iha area jurídiku Munisípiu Dili.
Komandante Operasaun PNTL Munisípiu Dili, Inspetór Xefi, Delfin da Silva, hatete atividade operasaun konjunta PNTL Munisípiu Dili, halo liuhusi la’o ain tama sai Bairru no pasa revista ba transporte movimentu iha tempu kalan kontinua hodi evita krime no asidente tráfegu.
“Situasaun Jerál iha Dili la’o di’ak, maibé iha loron (27/07) kalan ita-nia polisia tránzitu halo check point iha area Ministériu Justisa nia oin ita, konsege kaptura joven mane ida inisial ADCXC idade 23 laiha karta kondusaun no prende motor 31 ho kareta privadu 2, viola regra lei kódigu estrada,” Nia hateten iha knaar fatin PNTL Kaikoli, Kinta (28/07).
Nia dehan, atividade ne’e atu garante kapital Dili sai fatin seguru ba ema hotu atu movimentu ho livre.
Antes ne’e mós, Komandante Seksaun Polisia Tránzitu Munisípiu Díli, Inspetór Xefe Domingos Sarmento Gama, hatete operasaun kalan ne’ebé Polísia Nasionál Timor-Leste Komandu Munisípiu Dili, hala’o iha Kapitál Dili konsege Preende motorizada hamutuk 25 no karreta 3 no mós inklui detein Joven na’in-3.
“Ita halo operasaun horkalan iha loron (20/07) ita konsege prense motorizada hamutuk 25 no kareta 3 no mós detein Joven na’in-tolu ne’ebé deskonfia laiha karta kondusaun no la hatudu karta kondisaun iha momentu operasaun, entaun ita detein” nia hateteniha iha knaar fatin Kaikoli, Kinta (21/07).
Nia dehan, hafoin sira detein Suspeitu na’in-tolu, iha Suspeitu femenina ida ne’ebé ohin (21/07) dadeer hatudu ninia karta kondusaun, tanba ne’e mak Ekipa Tránzitu sei liberta, maibé sira seluk ne’ebé seidauk iha karta kondusaun sei aprezenta ba iha Ministériu Públiku no hodi prosesu tuir lei.
2,543 total views, 6 views today
Bele hare Video Seluk :
Subscribe to Timorpost
