Dili(timorpost.com)—Servisu Informasaun Polísia (Makikit) hosi Polísia Nasionál Timor Leste (PNTL), simu informasaun hosi fontes balu katak, iha joven na’in-rua ho kondisaun lanu tuda ema iha dalan públiku parte area Katedrál Dili nian, Segunda (26/06/2023).
Ho informasaun hirak ne’e ekipa Makikit to’o kedas iha fatin akontesimentu joven sira kontinua tuda hasoru ekipa servisu inklui autoridade lokál ne’ebé tenta halo aprosimasaun ho grupu hirak ne’e.
Ekipa Makikit ho esforsu ne’ebé iha para tiha karreta kontinua duni autór sira tama iha dalan kloot no konsege kaptura uluk suspeitu na’in-ida ho inisiál EML, tinan 19 kaer hela fatuk ne’ebé halai labele tanba kondisaun lanu todan.
Hafoin asegura na’in-ida, grupu joven sira kontinua lansa fatuk barak liu tan ba ekipa servisu, maibé sorte di’ak lakona membru ida inklui karreta ne’ebé mak uza ba servisu. Derrepente komunidade sira identifika tan joven na’in-ida, nune’e sira informa katak, sira mak ohin hamutuk halo problema iha area refere.
Hafoin asegura joven na’in-rua ne’ebé ekipa servisu kontaktu kedas ba eskuadra Vera Cruz junta ho ekipa hosi Kontijente Jerál lori kedas ba eskuadra Vera Cruz hodi kontinua prosesu identifikasaun.
Notísia ne’e asesu Timor Post asesu liuhosi pájina facebook PNTL nian, Tersa (27/06/2023).
3,537 total views, 6 views today
Bele hare Video Seluk :
Subscribe to Timorpost
