DILI (timorpost.com)—Armanda Berta eleitu nu’udar Prezidente Partidu Kmanek Haburas Unidade Nasionál Timor Oan (KHUNTO) no Sekretáriu Jerál Partidu KHUNTO, Elidio Domingos de Araújo, ba periodu 2024 áte 2028 iha kongresu da-haat.
Iha toma de pose ne’e iha konseleiru nasionál hamutuk na’in-sanulu. Konsellu juridisaun verifikasaun Contas Partidu KHUNTO hamutuk na’in-sanulu-resin-ida.
Iha diskursu ne’e, Sekretáriu Jerál Partidu KHUNTO, Elidio Domingos de Araújo, hatete ho estrutura foun ne’e sei kontinua nafatin servisu ne’ebé estrutura anterior husik hela, hodi lori partidu KHUNTO ne’e ba futuru.
“Ohin ha’u bele hamriik ho kolega sira iha ne’e mai husi kongresista sira nia esforsu, tanba imi tomak nia matenek mak ita realiza hodi tula mai ami nia kolega sira nia kabaas,” hato’o nia.
Iha fatin hanesan, Prezidente Partidu KHUNTO, Armanda Berta dos Santos, hatete husu ba estrutura atu kontinua iha komitmentu hodi servisu hamutuk lori Partidu KHUNTO ba oin.
“Maibé ba oin ho estrutura foun ida bele servisu di’ak liután ba povu nia moris, tan ne’e presiza ita nia servisu hamutuk hodi lori nasaun ne’e ba oin,” Hateten nia.
Nia fundamenta, Partidu khunto hanesan iha filozofia katak “Tane O lisan, Tane O rain no Tane O emar”.
Iha kongresu ne’e hala’o durante loron-rua, hahú husi Sábadu no domingu, kongresu ne’ebé partisipa hamutuk na’in-890.
507 total views, 9 views today
Bele hare Video Seluk :
Subscribe to Timorpost
