DILI (timorpost.com)—Ministériu Juventude Desportu Arte no Kultura, (MJDAK), liu husi Gabinete Inspesaun Auditoria, realiza workshop liga ba dekretu lei Nu. 5/2024 inklui Lei Nu. 7/2020 Agostu kona ba medida prevensaun no kombate korupsaun iha vida sosial ne’ebe liga ba ezekusaun Orsamentu Jerál Estadu 2024.
Inspetór Gabinete inspesaun auditoria, MJDAK, João dos Santos hatete objetivu husi workshop atu hatene regra kona ba dekretu ezekusaun Orsamentu Jerál Estadu 2024 ne’ebé mak aloka mai iha instituisaun, atu nune’e bainhira implementa la hamosu irregularidade iha instituisaun refere.
“Ami halo ne’e rotina kada tinan, depois iha dekretu ezekusaun Orsamentu Jerál Estadu, ami sempre bolu ministériu finansas, ho instituisaun relevante para atu mai dezmina liuliu kona ba regra sira ne’ebé mak atu regula ba ezekusaun OJE nian,” Nia dehan ba jornalista sira, iha salaun, Xanana Sport Center, Kuarta, (12/03/2024).
Inspetór ne’e haktuir, atividade ne’e hanaran dezaminasaun kona ba lei no regulamentu ne’ebé mak atu regula ba ezekusaun OJE nian bainhira funsiona kada instituisaun.
“Ne’e presiza dunik atu nune’e bainhira implementa OJE 2024, kargu xefia sira iha ministériu ida ne’e inklui parseiru sira ne’ebé hola parte iha instituisaun ida ne’e bele hatene regra sira, oinsá atu bele ezekuta Orsamentu Jerál Estadu nian.” Nia salienta.
Nia haktuir, save husi workshop ida ne’e atu sidadaun sira bele komprende atu prevene labele hamosu irregularidade, korrupsaun sira ne’ebé mak lei bandu, ou la fó dalan iha ministériu ida ne’e.
1,113 total views, 3 views today
Bele hare Video Seluk :
Subscribe to Timorpost
