DILI, (timorpost.com)—Membru Parlamentu Foin Sa’e 142 pesoál ohin hahú formasaun ba períodu dala-V.
Ministru Juventude Desportu Arte no Kultura (MJDAC) Nelyo Isac, hatete formasaun nia objetivu atu hasae kapasidade no koñesimentu ba Membru Parlamentu Foin Sa’e sira nian.
“Ita boot sira hatene katak, governu iha programa ida ba foin Sa’e sira, tanba ne’e ohin ita realiza formasaun ida ne’e ba dahuluk nian, ho durante semana ida, oinsá mak Parlamentu Foin Sa’e sira atu aprende kona ba futuru lideransa, signifika aspetu hotu sira aprende kona ba jestaun, síviku, edukasaun sívika, debate ka diskusaun, aprende mós kona ba oinsá mak sira bele ko’alia iha públiku, ida ne’e faz parte ida hanesan formasaun,” dehan Ministru MJDAC Nelio Isaac ba Jornalista sira hafoin remata abertura ba formasaun Parlamentu Foin Sa’e nian iha Salaun Semináriu Maloa, Ailok-Laran, Segunda (15/04).
Governante ne’e hatete, programa Parlamentu Foin Sa’e hari tinan 2010 too agora tama ona iha períodu da-lima. Programa ne’e, bazeia ba rezolusaun governu, kada tinan, sempre iha mudansa númeru, uluk iha 120 ital de’it, maibé agora períodu dala-5 sa’e ba 142 pesoa.
Joven 142b ne’e la’ós aprende de’it ba servisu Parlamentu nian, maibé aprende kona ba futuru lideransa, signifika aspetu hotu-hotu sira aprende, aprende, tanba nee formasaun ida ne’e faz parte ba oinsá sira atu lideransa, jestaun no seluk-seluk tan.
“Ho ida ne’e ha’u husu membru Parlamentu Foin Sa’e sira, atu aproveita didi’ak formasaun ne’e, atu nune’e bele hadi’a ita an, oinsá ba futuru nian” nia enkoraja.
Tuir nia dehan, Joven sira ne’ebé inkilina iha Parlamentu Foin Sa’e ne’e, sira mandatu ne’e tinan tolu de’it, bainhira sira nia mandatu remata sei halo fali rekrutamentu ba Parlamentu Foin Sa’e foun sira.
1,524 total views, 3 views today
Bele hare Video Seluk :
Subscribe to Timorpost
