DILI, (timorpost.com)– Polísia Nasionál Timor-Leste (PNTL) liuhosi Servisu Informasaun Polísia Nasionál (SIPN) junta ho Servisu Informasaun Militár (SIM), asegura joven mane na’in-5 ne’ebé involve krime jerál ba kazu na’ok motorizada iha kapitál Dili.
Tuir informasaun ne’ebé Timor Post asesu liuhosi pájina Serviços Relações Públicas ohin (29/03) katak suspeitu hirak ne’e ekipa servisu kaptura iha fatin ne’ebé la hanesan ho kedas evidénsia motorizada hamutuk 7 kompostu husi motorizads rua sobu rahun ona hodi monta fali ba motorizada 5 seluk no motorizada balun sira sobu rahun hodi fa’an tutan ona ba ema seluk.
Ekipa konjunta kaptura uluk suspeitu JTS alias ON iha área Bedois, hodi kontinua foti tan AES alias OG hamutuk ho JCMF alias AF iha área Matadouru ne’ebé sai mós hanesan sasin prinsipál tanba motorizada hirak ne’e para iha nia uma no ikus mai kaptura suspeitu prisipál ho naran AJ alias AMB iha área Manumeta Rai Hun, inklui PCR alias AS iha área Aituri Laran tanba sa’e hela motorizada na’uk.
Rekorda fali katak, antes ne’e suspeitu AES komete ona kazu sobu kioske na’ok ropa iha loja inklui na’ok ema nia animál ne’ebé nia inan rasik selu hotu ona. Enkuantu suspeitu AJ alias AMB komete ona kazu na’ok osan no no’ok motorizada, na’ok telfone no mós hadau telfone iha dalan públiku ne’ebé mak rejista ona iha baze de dadus PNTL nian.
Entretantu evidénsia ne’ebé ekipa rekolla iha motorizada hamutuk 7 inklui telefone hamutuk 3 mak hanesan tuir mai ho espesifikasaun hanesan, Honda Beat kor metan ne’ebe sira pinta fali ba mutin azul, numeru chasis : MH1JM9125PK796038, Honda Beat Karbu sira pinta ba kor mean metan, numeru chasis : MH1JF5116AK126564, Beat kor metan numeru chasis MH1JM8127NK252793, Beat Street kor mutin metan, numeru chasis : MH1JFZ210JK376923, Beat Predator kor metan, numeru chasis : MH1JM9124PK838442, Beat Space kor metan numeru chasis : MH1JFA111DK176690, Beat Predator kor metan, numeru chasis: JM91E3043222, telefone marka REALME, kor roixu, OPPO 5S kor azul no I-phone XR kor metan.
Hafoin remata prosesu identifikasaun ekipa servisu halo kedas auto entrega suspeitu na’in-2 hamutuk ho evidénsia ba Departamentu Investigasaun Kriminál Nasionál (DIKN), hodi halo prosesu investigasaun.(*)
2,151 total views, 6 views today
Bele hare Video Seluk :
Subscribe to Timorpost
