Timorpost.com. NASIONAL-insidente ataka malu kalan ne’e, (sabadu 13/05/2023) iha Lurumata Comoro la iha ligasaun ho partidu os Verdes. No prezumivel katak entre arte marsiais PSHT ho Arte Marsiais Kungu Fu Master.
Hosi informasaun neebe Timorpost.com rekolla kalan ne’e katak vitima matebian ho naran Bernadino Ximenes Brites, rezidente iha Lurumata.
Sidadaun ida lakon vida iha iha Ospital Nasional Guidu Valdares hafoin hetan asaltu ida iha area Lurumata Dili, Sabadu, 13/05/2023.
Vitima hetan kanek grave, no konsege evakua ba HNGV kalan ne’e, maibe la konsege salva vida no familia ho kolega hosi matebian halerik hamonu mata been.
Enkuantu ohin rai nakaras hetan sirkulasuan foto hosi vitima iha HNGV ba gurpu rede social balun ne’ebe Timor Post asesu no konfirmadu katak vitima hatoba ona iha HNGV.
Aliened ida neebe lakon vida, iha ida seluk mos sente grave iha ulun, enkuantu kalan ne’e ema barak maka hakbesik ba HNGV, hodi haree vitima.
Hosi fotografia ne’ebe timorpost.com asesu, haree katak polisia sira asegura mos evidensia hanesan kanuru boot suru raihenek nian.
Tuir fonte neebe Timorpost.com asesu kalan ne’e informa katak akontese duni atakamalu iha Lurumata.
“Laos ohin deit, horikalan mos akontese iha neba duni, bainhira ami too; ami la konsege identifika suspeitu sira tanba too ba ne’eba rai fuik tena” sita fonte ne’e.
Enkuantu kalan nee, sirene ka lain hosi karreta autoridade siguransa nian halo movimentu mkaas iha sentru sidade Dili nian.
Husu hotu hotu hakmatek, no kontinua Akompanha nafatin atualiade tuir mai.
15,202 total views, 3 views today
Bele hare Video Seluk :