Dili (tmorpost.com)—Autoridade Protesaun Sivíl (APC, sigla portugés) liuhosi Sentru Nasionál Operasaun Protesaun Sivíl (CNOPC, sigla portugés) relata relatóriu kona-ba dezastre naturál iha territóriu laran durante semana ida, ne’ebé hatudu uma-kain 39 afetadu.
Diretór Gabinete Relasaun Externa no Komunikasaun iha APC, Anacleto Caetano, hatete, dadus hirak ne’e rekolla hosi loron 03 to’o 09 fulan Outubru 2023.
“Dezastre Natural ne’ebé akontese iha semana ida ne’e ho tipu rua hanesan, ahi- han uma no anin sobu uma”. Anacleto Caetano hateten, iha Caicoli, segunda ne’e.
Uma-Kain 39 afetadu dezastre Natural ne’e mai husi munisípiu sia mak hanesan Baukau 11, Ainaru ida, Bobonaru haat, Covalima ida, Dili ida, Ermera 18, Lautem rua, Likisá ida, Manatuto ida, Manufahi lima no Vikeke ida.
APC sempre disponivel hodi fó apoiu emerjénsia ba se de’it mak afetadu ba dezastre Natural.
“Ami nia ekipa iha munisípiu sira sempre protokolu atu fó apoiu ba komunidade sira ne’ebé afeta dezastre natural. Apoiu emerjénsia ba vítima sira iha tipu rua hanesan apoiu ai-han no la’ós ai-han”. Hakotu.
1,389 total views, 3 views today
Bele hare Video Seluk :
Subscribe to Timorpost
