ADVERTISEMENT

Konfrontu Iha Maskarinhas, Joven Ida Kanek Grave

Mario da Costa - PNTL
Reportajen : Beatriz Belo
Editor : Mário da Costa
  • Share
Vítima konfrontu iha Maskarinhas, Imajen Esp.

DILI (timorpost.com) – Konfrontu akontese iha Sábadu (19/11) madrugada iha area maskarinhas, entre Joven ho Joven rezulta vítima ho inisial CDS hetan kanek grave no komunidade nia sasan karreta tolu no rental ida hetan estagu.

Xefe Suku Maskarinhas Rui Ilidio de Araujo, informa konfrontu ida ohin madrugada iha oras 03:00, akontese iha area Maskarinhas, hafoin realiza serimónia kazamentu iha aldeia manu kokore, suku Makarinhas.

ADVERTISEMENT
SCROLL FILA BA NOTISIA

“Konfrontu ida iha ohin madrugada ne’e, ita bele dehan ema deskoñesidu, tanba ha’u rasik mós iha tenda laran, ema iha festa ne’e kontente han-hemu no dansa, maibé derepente iha estrada públiku ema saltu no tuda malu, ema husi Bairru seluk mak mai tuda vítima CDS,” dehan Rui ba jornalista sira iha Sede Suku Maskarinhas.

Nia dehan, komunidade balun nia sasán hetan estagu ne’e, ema deskoñesidu mak estraga, tanba ne’e nia parte seidauk bele ko’alia kona-ba ida ne’e, maibé la bele dehan nain ba kazamentu mak tenke responsabilidade, maibé tuir nia hatene kuandu serimónia problema akontese iha tenda laran, hafoin festa nain bele responsabilidade.

Lee Mós:
Estranjeiru Na'in-2 Falsifika Dokumentu, PM Taur Parabeniza Servisu Migrasaun

Nia esplika, maski iha serimónia kazamentu mak mosu konfrontu entre joven ho joven asaltu malu, maibé nia hanesan autoridade konsidera konfrontu ne’e fora husi serimónia ne’e, tanba asaltu malu iha estrada públiku, la’ós tenda laran.

“Ha’u ko’alia hanesan ne’e, tanba horikalan ha’u mós iha serimónia kazamentu ne’e, hafoin akontese konfrontu ne’e ha’u sai husi tenda laran, maibé ha’u haree Konfrontu ne’e akontese iha estrada públiku, nune’e mós dok husi festa kazamentu, la’ós ha’u ko’alia hanesan atu defende ida, maibé ha’u mós iha hotu serimónia ne’e,” nia konta.

Nia haktuir, horikalan ne’e, ema deskoñesidu nain-rua sae motor mak tuda vítima ne’e, maibé la’ós ema naiyn-rua de’it, mais sira mai ho grupu, balun ho karreta, hafoin sira tuda vítima ne’e, suspeitu na’in-rua ne’e halai tama ba iha aldeia Baixo 06, Balide, Suku Maskarinhas, mak joven sira iha serimónia ne’e ba asaltu sira.

Lee Mós:
Estadu-Governu Tenke Sériu ho Kazu Droga no JB Mate Iha Sela

“Ita-nia labarik sira husi Aldeia Manu kokore, Suku Maskarinhas mak ba asaltu sira iha aldeia Baixu 06, Balide, iha Diresaun Nasionál Transporte Terrestre (DNTT) Balide nia oin, hodi rezulta komunidade sira karreta tolu ho uma rental ida hetan estagu,” nia hakotu.

Tuir informasaun ne’ebé online Timor post asesu husi servisu infomasaun, katak hafoin ekipa segundu fila hosi Balibar iha Sábadu madrugada iha oras 00:50 Otl, simu informasaun hosi fontes katak iha Balide iha Festa Kazamentu, mak akontese konfrutu ida iha oras tuku 12:00, suspeitu ida lori Motor ho modelu Scoopy koor mutin, ema deskoñesidu Na’in-rua maka sae motor refere tuda Vítima ida iha dalan estrada boot festa nia oin, ulun kanek todan agora iha ona Hospital Nasionál Guido Valadares (HNGV).

Lee Mós:
MP Prosesa Sidadaun Estranjeiru Na’in-Rua Falsifika Dokumentu Estadu

Nunee mós, sasin husi akontesimentu Balide, Evangelino Oliveira dos Santos, hato’o ba servisu informasaun, katak iha tuku 12:00, Vítima ba rental ne’e ou uma nain koñese suspeitu ne’ebé mai tuda uma no harahu karreta no rental sira ne’ebé iha area Balide, suspeitu ho naran inisial A no suspeitu nia Aman naran inisial JJ no suspeitu hela iha aldeia 04, Suku Maskarinhas, uma-nain ka nain ba rental ne’e hatene no koñese suspeitu, maibé suspeitu mai ho ema barak.

 870 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konfrontu Iha Maskarinhas, Joven Ida Kanek Grave” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: