ADVERTISEMENT

Kazu Asaltu Malu Uatulari, Prosesu Ba Primeiru Interrogatóriu

Mario da Costa - PNTL
Reportajen : Beatriz Belo
Editor : Asisten Hermenegildo da Costa Tilman
  • Share

DILI (Timor Post)—Kazu asaltu malu iha Uatulari, Munisípiu Vikeke, aban tama ona ba primeiru interrogatóriu hodi prosesa tuir lei.

Portavós Komandu Jerál Polisia Nasionál Timor Leste (PNTL), Superintendente Xefe Polisia Armando Monteiro, hatete semana hirak nia laran hahú loron 02 to’o horisehik loron 13, akontesimentu ida rua ne’ebé PNTL presiza atualiza hodi nune’e, komunidade tantu públiku en-jeralmente akompaña bele hatene.

ADVERTISEMENT
SCROLL FILA BA NOTISIA
Lee Mós:
Pasa Revista iha Kinta Kalan, PNTL Prende Motorizada 35

Kazu ne’ebé akontese iha Munisípiu Vikeke hanesan kazu asaltu malu no mós ofensas integridade fízika simples, ne’ebé rezulta sidadaun na’in rua sai vítima.

“Kona-ba suspeitu Nain-6, PNTL kaptura ona, no daudaun submete ona ba prosesu investigasaun iha Komandu PNTL Munisípiu Vikeke Eskuadra Uatulari no aban tama ona ba primeiru interrogatóriu iha Tribunál Distritál Baucau hodi prosesa tuir lei”, dehan nia ba Jornalista sira liuhusi konferénsia imprensa, Kinta (14/07).

Lee Mós:
Bosok Trata Dokumentu MSSI, PNTL Detein Suspeitu Na'in-2

Nia subliña, Kazu hirak ne’e mosu, liuliu iha Uatulari tanba mosu iha serimónia Kulturál ida hafoin la kontrolu an no domina alkohol to’o ikus hamosu konflitu no rezulta na’in rua sai vítima.

Nia informa, situasaun jeralmente seguransa iha rai laran PNTL rejistu kazu balun ne’ebé sai preokupasaun ba ema hotu mak primeiru, kazu ne’ebé akontese ofensa integridade fízika simple no mós asaltu iha Dili, ne’ebé loron tolu liu ba, iha Bekusi kraik, tantu mós kazu asaltu no arma Branka iha Bidau Santana.

Lee Mós:
Kazu VD Mosu Kauza Hosi Teknolojia

“Husi akontesimentu ida ne’e, komandu PNTL Munisípiu Dili, hola ona medida polisiál no suspeitu submete ona ba prosesu investigasaun,” nia hateten.

 404 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Asaltu Malu Uatulari, Prosesu Ba Primeiru …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: