DILI (timorpost.com)—Diretora Ezekutiva Judicial Sistem Monitoring Program (JSMP), Ana Paula Marçal, hatete relasiona ho intervensaun Primeiru Ministru (MP) Kay Rala Xanana Gusmão ba desizaun tribunal, JSMP konsidera loloos la bele akontese.
“Nasaun ne’e iha órgaun haat. Ho status interdependénsia. Signifika ita sei la servisu mesak, maibé ida-idak ho nia kompeténsia no ida-idak ho nia papél, sistema justisa la bele iha intervensaun, tantu direita no indireta, desizaun tribunal nian no servisu tribunal nian tenke independente, nune’e bele hetan konfiansa husi ita nia povu, “dehan Ana Paula ba jornalista sira iha Timor Plaza Kinta (23/11).
Nia dehan, ho ida ne’e, intervensaun kualkér se de’it la bele, iha dalan seluk, se la konkorda bele halo rekursu, tanba desizaun tribunal ne’e aas liu.
“Desizaun tribunal aas liu, tanba ne’e presiza responsabilidade kualkér sidadaun se de’it labele intervene tanba ne’e desizaun”.
Aleinde nia dehan, liga ba intervensaun Primeiru Ministru nian ne’e karik mós Primeiru Ministru hetan erru ruma akontese iha sistema ne’e, maka halo intervensaun para atu adia ba futuru.
1,239 total views, 3 views today
Bele hare Video Seluk :
Subscribe to Timorpost
