DILI ,(timor post. Com)- Komandu Polísia Nasionál Timor-Leste (PNTL), hahú fihir ona ofisiál Dirijente PNTL na’in ida atu ba koloka ba iha sede Nasoens Unidas (UN).
“Iha parte ida ne’e, ami mós propoin hela ofisial dirigente PNTL ida hodi koloka iha sede Nasoens Unidas, hodi nune’e bele aumenta influensia ita nia país iha sistema internasionál no afirma imajen PNTL no Timor-Leste iha mundu”, dehan Komisáriu Jerál Henrique da Costa, .iha ambitu serimónia Aniversáriu PNTL ba dala 24, iha sede Kuartél Jerál UEP, Bairru -Pite Dili, Kuarta (27/03).
Nia dehan, ema hotu bele sente orgullu ba buat hirak ne’ebé mak feto ka mane halo ona iha seguransa ba rai ida ne’e.
“ita mós sente katak, ita sei iha dalan ne’ebé naruk atu perkore hodi realiza buat hirak tuir mai, tanba ne’e ita presiza atu resolve kestaun balu iha area pesoál hanesan rekrutamentu ajentes foun no promosaun ba sira ne’ebé tuir kareira no tempu ou iha parte lojistika no infraestrutura, hadi’a kondisaun servisu membru sira, fornesimentu viatura ekipamentu no instalasaun sira,” Henrique subliña.
Tanba nee sei laiha duvida liu husi melloria area hirak ne’e PNTL sei konsege halo buat barak iha parte operasionál, moderniza nia prosedimentu ho signifikativamente hasa’e ekonomia, efislénsia no efikásia.
“Ami sei kontinua dezenvolve PNTL hodi fó formasaun diversifikada no adekuada tuir nesesidade interna no externa hodi kontribui ba realizasaun programa Nonu Governu Konstitusionál no Planu Estratéjiku 2011-2030 no ami sei hakas-an ba benifisiu povo timorense,” Komisáriu Henrique konklui.
2,325 total views, 3 views today
Bele hare Video Seluk :