Dili-Sisto do Santos sai figura Ida hosi Timoroan sira seluk neebe Luta mos defende povu bainhira oprimidu ka injustisa iha nasaun seluk.
Antes lori ba haloot iha knua moris Fatin, Sesta (17/03/2023) Estrutura Organika Centro Nacional Chega!I.P ho Funsionariu tomak presta omenajen ba matebian hanesan membru Konsellu Administrasaun.
Sisto dos Santos hahú hala’o nia kna’ar nu’udar Membru Konsellu Administrasaun Centro Nacional Chega!I.P iha fulan Jullu 2020, nu’udar reprezentante hosi organizasaun sosiedade sivil.
Komunikadu CHEGA.IP haktuir Maktoban Sisto dos Santos, nudar ativista direitus umanus TImor-Leste nian neebe mak la kole atu luta no defende direitu ema timoroan nia hodi hetan justisa.
“Sisto dos Santos mak ema ida neebe determinadu tebes iha nia misaun boot hodi halakon injustisa iha TImor-Leste, liu-liu ba timoroan sira neebe mak marjinalizadu no vulneravel liu” haktuir Komunikadu neebe Timor Post asesu sabadu 18/03/2023.
Nudar ativista direitus umanus ida, Sisto dos Santos hamrik iha fileira oin iha asaun neebe deit hodi luta no defende soberania Timor-Leste nian no moris kmanek ba Timoroan sira.
Maktoban Sisto dos Santos, laos deit halo asaun defende direitu umanu iha Timor-Leste.
- Sisto dos Santos sai mos lian Timor-Leste nian ba luta ba ukun rasik aan rai seluk nian, hanesan Palestina, Sahara, Myanmar no mos hatudu nafatin ispiritu solidaridade internasional ba pais no povu neebe mak opremidu.(*)
589 total views, 125 views today
