DILI-Autoridade protesaun Sivil realata katak klima iha semana kotuk, kauza problema iha terrenu, tanba estrada kilometru ida iha Welolo nakfilak sai mota.
“Estrada iha área Welolo suku Luca postu administrativu Viqueque, kuáze kilométru (KM) ida, Nakfila sai mota, no komunidade uma ka’in 11 afetadu husi konrrente mota”.
Informasaun ne’e sita hosi Komandante operasaun protesaun sivil (APC) Munisipiu Viqueque, Inspetúr polísia Matias da Silva, ne’ebe Timor Post asesu hosi portal Manufahi Asosiasaun Roman ba Sosiedade, sabadu (18/03/2023).
Tuir autoridade seguransa ne’e mota halai tuir estrada, no sobu estrága estrada hodi defikulta, movimentu transporte públiku dirasaun Viqueque ba Munisipiu Manatuto, Dili inklui Munisipiu seluk.
“Ho situsaun ne’e korenti mota ne’ebé halai tuir estrada, estraga mós komunidade uma ka’in 11 nia hela fatin, bá hela ho familia iha fatin segúru” haktuir ofisial ne’e.
Ekipa APC lori apoiu emerjensia hodi fó apoiu ba Vítima dezastra uma ka’in 11, tanba husi uma ka’in 11 ne’e iha mós ema ho Defisíensia na’in 3, ne’ebé presisa tebes tulun urjenti.
Kona ba estrada ne’ebé defikulta tebes movimentasaun komunidade nia iha área Welolo, parte APC relata ona ba adminitardór Munisípiu Viqueque, hodi aprezenta ba Governu sentrál, hodi loke estrada alternativa nune’e bele fasilita komunidade sira, inspetúr polísia Matias hakotu.
Entretantu tuir observasaun iha terenu, ho situsaun ne’e defikulta komunidade sira la asésu ba transporte públik kuase semana rua, nune’e mós ponte mota Dilor mós kotu, hodi defikulta mós movimentasaun komunidade nian iha área tasi mane nian.(*)
880 total views, 12 views today
