VIKEKE (timorpost.com)—Ema deskoñesidu ataka militante FRETILIN iha aldeia Nadala, Suku Uaitame, Postu Administrativu Watulari, Munisípiu Vikeke, bainhira fila husi kampaña eleitorál ba eleisaun parlamentár 2023.
“Militante FRETILIN nian hetan tuda mais ou menus tuku tolu resin oras Timor-Leste, bainhira fila husi komísiu eleitorál ne’ebé realiza iha kampu futeból Suku Oesilu,” observa direita hosi jornalista Timor Post, iha terenu, Kinta (27/04).
Iha akontesimentu ne’e rezulta apoiante hosi Partidu FRETILIN nian balun hetan kanek kmaan.
Maibé, iha fatin akontesimentu parte seguransa liuhusi Polisia Nasionál Timor-Leste (PNTL) Munisípiu Vikeke apoiu husi FALINTIL-Forsa Defeza Timor-Leste (F-FDTL) hakalma kedas.
Portantu observasaun iha ataka malu entre ema deskoñesidu ho militante sira hosi Partidu FRETILIN nian iha Munisípiu Vikeke ne’e obrgadu parte Seguransa nian tenke lansa tiru teu hodi bele hakalma situasaun refere.
Enkuantu jornalista sira tenta halo konfirmasaun ba parte Komisaun Nasionál Eleisaun (CNE), no parte seguransa maibé sira seidauk bele fó informasaun tanba seidauk identifika autór sira ba insidente ne’e.
Entretantu antes ne’e, iha Komísiu Eleitorál Partidu CNRT, realiza iha Munisípiu Vikeke, Kinta (21/04), la’o ho susesu, maibé simu novidade triste, katak hafoin kampaña rejista insidente militante CNRT nian ida sofre kanek tanba hetan tuda hosi ema deskoñesidu.
Partidu CNRT tama kampaña loron datoluk iha Munisípiu Vikeke, partisipa direta hosi lider nasionál no Prezidente partidu CNRT, Kay Rala Xanana Gusmão.
“Ema deskoñesidu tuda militante CNRT nian ida iha area Loihunu,” informa Jornalista Timor Post, bainhira observa direta iha Munisípiu Vikeke, iha Sesta kalan (21/04/2023).
6,141 total views, 3 views today
Bele hare Video Seluk :