OEKUSI (timorpost.com) – Prezidente Autoridade Rejiaun Administrativu Espesiál Oe-cusse Ambeno (RAEOA), Rogerio Tiago Lobato sei kria aprovizionamentu foun ida ne’ebé mak depende ba nia.
Razaun kria aprovizionamentu ne’e tanba durante PA RAEOA observa aprovizionamentu ladún la’o ho di’ak.
“Ha’u atu kria aprovizionamentu ida depende direta mai ha’u tanba iha abuzus barak tebes, sira halo buat arbiru de’it, mak dala ruma aprovizionamentu sei depende diretamente husi PA RAEOA,” Rogerio hateten ba jornalista sira hafoin remata enkotru ho funsionáriu sira iha aeroportu Rota do Sandalo Oekusi, Segunda (12/02).
Nia informa, autoridade RAEOA foun tama semana rua maibé simu ona problema barak liuliu ezemplu ida mak mina ba sentru eletrisidade Inur Sakato, maibé autoridade foun rezolve la to’o oras 24.
Nune’e mós, problema balun iha aeroportu liuliu fasilidade importante sira tenke halo manutensaun ho lalais. Tanba bainhira aviaun tuun mak hetan buat ruma fasilidade iha aeroportu tenke di’ak hodi responde.
“Ha’u foin mak tama de’it simu ona karta ida kona-ba bateria ba karreta bonbeirus iha aeroportu, ne’e buat ida importante teb-tebes. Ita fó ezemplu de’it aviaun tun ahi han aviaun lori saida mak ita bele fó sokoru,” nia informa.
Maibé antes autoridade foun simu karta, Koordenadór aeroportu hato’o ona karta ba autoridade anterior kona-ba situasaun ne’e hodi rezolve.
“Ha’u sente katak bainhira aprovizionamentu kontrola direita husi prezidente autoridade buat hotu sei la’o lalais no di’ak”, nia hateten.
2,406 total views, 3 views today
Bele hare Video Seluk :
Subscribe to Timorpost
