ADVERTISEMENT

Fretilin Kestiona Desizaun Polítika iha Administrasaun Públika

Mateus da Cruz - Jeral
Jornalista : Cesario Sousa
Editor : Orlando Oqui
  • Share
Deputadu Antoninho Bianco. Foto Espesial

DILI (timorpost.com) — Bankada Fretilin iha Parlamentu Nasionál (PN) kontinua kestiona desizaun polítika husi Nonu-Governu ne’ebé hasa’e funsionáriu públiku sira ka servidór estadu iha administrasaun públiku sira.

“Maluk sira ne’ebé ke reprezenta povu iha ne’e la’ós, la’ós reprezenta povu de’it, reprezenta mós funsionáriu públiku ne’ebé ke hanesan servidór estadu liuhusi administrasaun públika atu bele mós hakilar aspirasaun povu nian ba Na’i-ulun-sira ne’ebé kaer ukun iha nonu Governu ne’e para ke ita-nia ema sira labele sai vítima desizaun polítika ne’e,” Deputadu Bankada Fretilin, Antoninho Bianco, hateten liuhusi deklarasaun polítiku iha plenária Parlamentu Nasionál, Segunda (10/02).

ADVERTISEMENT
SCROLL FILA BA NOTISIA


Nia hatutan, reprezentante povu ne’e tenke iha devér no moral hodi defende funsionáriu públiku ka servidór estadu sira ne’ebé haknaar-an kleur iha administrasaun públiku sira ne’e. No reprezentante povu nee tenke iha sentidu pertense ba sofrimentu husi funsionáriu sira ne’e.

Tuir nia, servidór estadu sira ne’e mak durante tinan barak fó kontribuisaun ba rai no povu ne’e. Maibé nonu-Governu nega total kontribuisaun ne’ebé servidór estadu sira ne’e hala’o durante tinan barak nia laran.

Lee Mós :
MP com 4.800 processos novos e pendentes entre janeiro e julho

“Se polítika ódiu no vingansa mak la’o nafatin, Timor-Leste ita atu lori ba ne’ebé, maun alin sira hotu, ha’u hato’o ida ne’e baze legal iha, tanba ne’e mak ha’u foti kestaun ida ne’e. Estadu direitu demokrátiku estadu ne’ebé atu servi povu hotu,” nia salienta.

Deputadu ne’e esplika, prinsípiu Administrasaun Públiku ne’e harii kedas iha Primeiru Governu konstitusionál ho lei númeru 8/2004 hodi harii estatutu funsionáriu públiku, no ikus mai lei ne’e hetan alterasaun lei ne’e ba númeru 5/2009 husi Governu ne’ebé lideradu husi partidu CNRT iha momentu ne’ebá.

Hodi implementa prinsípiu ne’e rasik iha mós kontinuasaun ho lei númeru 7/2009 ne’ebé kria Komisaun Funsaun Públika (KFP), ema-na’in-lima, na’in-rua ne’e husi Parlamentu Nasionál mak hili no na’in-tolu ne’e husi Governu no mandatu ne’e tenke tinan lima tuir lei ne’ebé iha ona.

Lee Mós :
Fundasaun Mahein: Ró Marina UK La'os Atu Destrui

“Maibé ita boot sira halo buat ne’ebé ke la tuir regra, maluk sira servidór administrasaun públika no lider na’in sira ne’ebé ukun povu ne’e. Mai ita haree aktus própriu ne’ebé ita-nia Nonu-Governu halo ba estadu no servidór estadu ne’ebé haknaar-aan iha komisaun administrasaun públiku,” nia esplika.

Husi nomeiasaun hirak ne’e, agora daudaun nomeiasaun ida por méritu, maibé nomeiasaun por polítika. Entaun iha konfuzaun ona entre administrasaun públika ho podér polítika, baibain ema hatene katak podér polítiku ne’e iha órgaun polítiku, podér administrasaun ne’e iha órgaun ne’ebé designadu atu hala’o ida ne’e mak komisaun funsaun públika.

Nia esplika, tuir lei númeru 7/2009 ne’e, prosesu rekrutamentu no nomeiasaun inklui tomada pose ne’e kompeténsia Komisaun Funsaun Públiku.

Tanba ne’e, Deputada Bankada CNRT, Cedelizia Faria dos Santos, hatán kedas ba deklarasaun ne’e katak, situasaun ne’e akontese husi oitavu-Governu ne’ebé troka funsionáriu sira ne’ebé haknaar-aan kleur iha instituisaun estadu sira ne’e.

Lee Mós :
AJAR: SEATOU Labele Hasai De’it Negosiante Maibé Tenke Kria Kondisaun

“Ha’u hanoin katak Deputadu sira ne’e, Governu anterior ne’e toba ka sai tiha ba estranjeiru mak foin mosu fila mai ka, mak foin hakfodak fali ne’e. Uluk ita-boot sira halo ba ema CNRT ne’e, ita-boot sira haluha tiha lei ne’e,” hatán Cedelizia Faria.

Nia esplika, ezemplu mak akontese iha Parlamentu Nasionál, funsionáriu públiku sira ne’ebé mandatu seidauk remata, maibé iha mandatu Oitavu-Governu komesa hasai ka ezonera sira hotu.

Cedelizia esplika, Nonu-Governu seidauk hasai ka ezonera funsionáriu públiku ka ajente administrasaun públiku sira. Maibé iha Funsionáriu kontratadu sira ne’ebé mandatu remata ona iha loron 31 Dezembru tinan kotuk.

 1,395 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fretilin Kestiona Desizaun Polítika iha Adminis…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No