BATUGADE, (timorpost.com) — Pasajeiru sira entre husi Indonézia liuhosi Nusa Tengara Timur (NTT) mai Timor-Leste no Timor-Leste ba Imdonézia ne’ebé liuhosi frontéira terestre Mota-Ain, Batugade, postu Balibo, munisípiu Bobonaro kestiona atendimentu no kondisaun fronteira Mota-Ain nu’udar odamatan nasaun nian tanba traramentu kleur liu no ar kondisionar ka AC iha edifísiu Alfándega la funsiona.
“Situasaun iha frontéira Mota-Ain, atendimentu susar loos, ar kondisioner la funsiona, manas loos, halo pasajeirus sira sofre hodi antrian”, Pasajéiru sira hato’o nia lamentasaun ne’e Timor Post asesu iha loron 07 fulan-Dezembru tinan 2023.
Atendimentu husi parte Alfándega kleur liu tanba ne’e pasajeiru sira tenke sena malu no hein oras ba oras, ho kondisaun manas halo pasajeiru sira sente la seguru no terus liu.
Ho kondisaun ne,e, pasajeiru sira husi Governu presiza hadi’a sistema hodi halo tratamentu lais liu no hadi’a mós kondisaun liuliu AC iha edifísiu Alfándega nian atu nune’e bele fasilita pasajéiru sira no bele augenta iha tempu manas.(*)
1,566 total views, 6 views today
Bele hare Video Seluk :
Subscribe to Timorpost
