Prezidente Umaro Agradese ba Estadu Timor

DILI, (timorpost.com) – Prezidente Repúblika Guine-Bisau, Jenerál Umaro Sissoco Embalo, agradese ba Estadu Timor-Leste ne’ebé kondekora nia ho medalla Grande Kolár. Nune’e nia hatete, kondekorasaun ne’e nu’udar rekoñesimentu ida ba povu Guine-Bisau ne’ebé hametin liután relasaun no kooperasaun entre povu Timor-Leste ho Guine-Bisau

“Agradese seniór Prezidente ne’ebé fó konderasaun estadu Timor-Leste mai ha’u hanesan Prezidente Guine-Bisau, atu hametin liután relasaun istórika entre povu Guine-Bisau no povu Timor-Leste”, Prezidente Guine Bissau, Jenerál Umaro, hato’o agradesimentu ne’e liuhosi nia diskursu ho lian Portugés, iha komemorasaun loron Proklamasaun Independénsia unilaterál ba dala-48 iha Palásiu Prezidensiál, Dili, (28/11/2023).

SCROLL FILA BA NOTISIA

Lee Mós :

Prezidente Repúblika Kondekora Assanami ho Medalla Orden Timor-Leste

Prezidente Guine-Bisau hatutan “Ida-ne’e hatudu katak, relasaun povu Timor-Leste ho povu Guine-Bisau iha futuru metin liután, amizde no solidaridade entre nasaun amigu rua ne’e”.

Prezidente Repúblika Timor-Leste, José Manuel Ramos Horta, liuhosi komemorasaun 28 Novembru kondekora medalla grande Kolar ba Prezidente Guine Bissau, Jenerál Umaro Sissoco Embalo. Xefe Estadu, José Ramos Horta, liuhosi dekretu Prezidente Repúblika ho númeru 105/2023, kondekora Prezidente Repúblika, Guine Bissau, Jenerál Umaro Sissoco Embalo, ho orden Timor-Leste grande Kolar.

Lee Mós :

Aman Hosi Arsebispu Dom Virgílio Hakotu Peregrinasaun Moris

Iha diskursu Xes Estadu hatete komemorasaun tinan 48 Proklamasaun Independénsia 2023, hetan bainaka espesiál ida ne’ebé estadu Timor-Leste kondekora mak Prezidente Guine Bisau, tanba nasaun Guine Bisau maka nasaun dahuluk rekuñese Proklamasaun Independénsia Unilaterál 28 Novembru 1975.

“Ha’u hatete liafuan ruma, iha ne’e ita iha bainaka ida espesiál, nia Prezidente Repúblika Guine Bisau, uluk ha’u iha ne’ebá nu’udar reprezentante Sekretáriu Jerál Nasaun Unidas, no Prezidente Guine-Bisau mós Prezidente Rejionál Afrika Osidentál tomak. Guine-Bisau rai ida iha 1975, bainhira ita deklara Independénsia Unilaterál, sira priméiru país mak rekuñese ita iha 1975”, PR Horta hatete liuhosi nia diskursu.

Lee Mós :

MESCC pede a universidades aulas de recuperação após estado de emergência

Medalla Orden Timor-Leste kria ho dekretu Lei númeru 20/2009, 16 de Maiu hodi fó rekoñesimentu no agradese ba sidadaun sira nasionál no estranjéiru sira ne’ebé ho komportamentu prátika hodi kontribui signifikativu no benefísiu ba interese umanu iha nasaun Timor-Leste. Orden Timor-Leste ne’e oferese ba xefe estadu ba nasaun amigu sira.(*)

1,149 total views, 3 views today

Oinsa Ita nia Reaksaun iha Notisia Nee?