DILI, (timorpost.com) — Prezidente Repúblika, José Ramos Horta, kondekora membru Governu Konstitusionál da-IX ho membru Parlamentu Nasionál, iha komemorasaun loron Proklasaun Independénsia Unilaterál, 28 Novembru ba dala-48 (28 Novembru 1975-2023).
Kondekorasaun ne’e Xefe Estadu fó ba membru Governu no Parlamentu liuhosi Dekretu Prezidente Repúblika ho Númeru 111/2023, hodi kondekora ho medalla Orden Timor-Leste Grau Kolár, ba titulár orgaun soberania estadu Timor-Leste nian.
Orden Timor-Leste kria bazeia ba dekretu Lei númeru 20/2009, 16 de Maiu, hodi fó prestizu, dignidade, rekoñese no agradese ba sidadaun sira nasionál no estranjéiru sira ne’ebé ho komportamentu prátika hodi kontribui signifikativu no benefísiu ba interese umanu iha nasaun Timor-Leste. Orden Timor-Leste ne’e oferese mós ba Xefe Estadu nasaun amigu sira.
Tanba ne’e, Prezidénsia Repúblika, bazeia Konstituisaun RDTL, artigu 85, alinea J, konjuga ho Dekretu Lei Númeru 15/2009, 19 de Marsu, no Dekreitu Lei Númeru 20/2009 dia 6 de Maiu, hodi atribui kondekorasaun ba entidade tuir mai, Arão Noe de Jesus Costa Amaral, David Dias Ximenes, Ermegildo Agosto Cabral Pereira, Mariano Assanami Sabino, ne’ebé publika no asinatura husi Prezidente Repúblika José Ramos Horta, iha Palásiu Prezidensiál Prezidente Nicolau Lobato, Bairru-Pité, Dili, númeru 24, dia 24 Novembru 2023.
Timoroan na’in haat nu’udar servidór Estadu liuhosi orgaun estadu Parlamentu Nasionál no Governu, nune’e liuhosi komemorasaun ne’e Xefe Estadu kondekora ho medalla orden Timor-Leste Grande Kolar.(*)
1,236 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![PR Horta Kondekora Membru Governu-PN](https://timorpost.com/wp-content/uploads/2023/11/IMG_5955-scaled.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)