Timor Post (19/10/2020)—Organizasaun Internasional ba Direitu Umanu lansa krítika maka’as hasoru Estadu Unidu Amérika (EUA) tanba konvida atuál Ministru Defeza Repúblika Indonézia, Prabowo Subianto ba vizita nasaun ne’e.
Krítika manas durante semana hirak ikus ne’e liga ho violasaun direitu umanu ne’ebé komete husi Prabowo durante invazaun Indonézia iha Timor Leste no violasaun sira iha Indonézia rasik iha tinan 1998.
Prabowo Subianto, eis komandante forsa Indonézia nian ne’ebé espertu tebes halo operasaun iha Timor iha rejime Soeharto. Durante tinan 20 nia laran EUA rasik bandu sama ain iha nasaun ne’e maibé iha fulan kotuk hetan konvite husi Ministru Defeza EUA nian.
Ajénsia Notisioza husi Indonézia, ANTARA, fó sai katak Prabowo hala’o vizita ba Washington iha loron Kinta (15/10/2020). Durante loron haat iha EUA hodi ko’alia kona-ba kontinuasaun kooperasaun iha parde defeza EUA ho Repúblika Indonézia.
Entretantu fó sai iha New York Times katak, Amnesty International ho grupu direitu umanu neen husu ba Prezidente EUA Donald Trum atu kansela tiha konvite ba Prabowo, tanba tuir sira bainhira Prabowo vizita duni ba EUA maka EUA rasik viola sira nia prinsípiu katak kriminozu sira liuliu sira ne’ebé halo violasaun ba direitu umanu sama ain iha EUA.
“Prabowo Subianto hanesan eis jeneral Indonézia ne’ebé hetan ona bandu, hahú iha tinan 2000, tama ba Amérika, tanba deskonfia involve direta iha violasaun direitu umanu,” haktuir iha karta ne’ebé dirize husi Amnesty International ba Ministru Negósiu Estranjeiru EUA, Mike Pompeo.
Porta-vóz Ministru Prabowo nian subliña, kritika hotu nu’udar liberdade espresaun, maibé vizita traballu ne’ebé Prabaowo hala’o tanba hetan konvite espesial husi EUA. (cao)
900 total views, 3 views today
Oinsa Ita nia Reaksaun iha Notisia Nee?
You have reacted on “Krítika Manas Kona-ba Vizita Prabowo ba Amérika…”
Bele hare Video Seluk :
Subscribe to Timorpost1
/
1956
GERALDO ALVES HETAN VOTUS MAIORIA IHA SUKU AILOK
LA SIMU EVIKSAUN, KOMUNIDADE TASITOLU PRONTU MATE
XEFE SUKU ELEITU, REZOLVE PROBLEMA INFRAESTRURA IHA MANLEUANA
1
/
1956
