Timorpost.com |INTERNASIONAL-Komisaun Funsaun Públika partisipa iha the preparatory meeting and senior official meeting for the 22nd on ASEAN Corporation in Civil Service Matter’s (ACCSM), nebe hala’o iha Brunei Darussalam durante loron rua (09-10 maiu 2023).
Objetivu jerál husi enkontru ne’e mak halo median evaluation ba implementasaun ACCSM ninia Work Plan (2021-2025), tuir ho halo diskusaun hodi hetan konsensu ba Work Plan Post 2025; no oinsa atu promove papel servisu públiku ba kontribuisaun ba dezenvolvimentu pilares tolu importante iha komunidade ASEAN nian iha polítika seguransa, ekonómika no sosiu kulturál nian.
KFP ninia partisipasaun,bazeia ba guidelines kona-ba estatutu nudar observador, atu akompana, entende no inteira ho diskusaun sira kona-ba dezenvolvimentu estrutura estratéjika sira hodi fornese kolaborasaun di’ak entre paíz ASEAN nian ba esperiénsia di’ak sira hodi delibera no apresia ba rekomendasaun sira ne’ebé mak partilla ba malu iha forum reuniaun ASEAN nian durante iha Brunei.
Iha aprezentasaun median evaluation ba progresu implementasaun work plan 2021-2025, pais membru idaidak hato’o individualmente ninia progresu implementasaun sira, saida mak halaó ona no saida mak seidauk, hamotuk ho dezafiu sira; ne’e depois tuir ho relatoriu husi Sekretariadu ASEAN, nebe lidera husi Indonesia, kona-ba implementasaun planu servisu ACCSM period 2021-2025 nian, nebe mais abranjente.
Iha ne’e, sekretariadu ASEAN relata kona-ba programa sira mak implementa tiha ona no sira nebe mak seidauk. Kona-ba sesaun diskusaun ba planu serbisu post 2025, ne’e hato’o uluk brevemente husi Brunei Darussalam, nu’udar paíz atualmente lidera hela ACCSM ba period tinan 2.
Hafoin realiza tiha aprezentasaun sira, sesaun tuir mai kontinua kedas rona feedbacksira husi paíz membru no ikus mai kompleta ho konsensu entre Pais-Membru sira ba planu serbisu ACCSM period post 2025.
Iha sesaun diskusaun ba loron daruak nian, Prezidente meza ASEAN nian fó mós oportunidade ba Prezidente KFP, Faustino Cardoso Gomes, hodi halo intervensaun, iha nebenia em nome Funsaun Publika Timor-Leste agradese ba konvite, hodi destaka katak partisipasaun ida ne’e sai hanesan esperiensia dahuluk Komisaun Funsaun Publika nian, nudar orsevador iha reuniaun ACCSM.
Iha ninia intervensaun, iha senior official meeting for the 22nd on ASEAN corporation in civil service matter’s (ACCSM), Presidente CFP, entre outros, destaka “Iha oportunidade ida ne’e, Timor-Leste aprende no oinsá atu familiariza ho funsionamentu iha ACCSM ne’ebé la’o iha reuniaun sira, ba implementasaun planu servisu, hodi enrikese no valorizasaun ba esperiensia ASEAN member states civil service nian, prátika di’ak sira iha servisu atendimentu públiku, estratejia rekursu umanus, inovasaun ba investimentu futuru ida di’ak no buka hatene importansia sira hodi partilla no kolaborasaun sira.
Nune’e Timor-Leste hanesan paíz joven ida ho forsa traballu iha Funsaun Públika hamutuk 36,941, ne’ebé hatúr ninia prinsipiu sira iha ASEAN kona-ba prestasaun servisu públikus ba asesibilidade, partisipasaun, responsabilidade, la iha diskriminasaun no inkluzaun no kapasidade.
Daudaun ne’e funsaun públika Timor-Leste iha idade média 47 anos ba mane no 43 ba feto, tendo em conta ho seguransa sosial nian estabelese idade 60 anos ba reforma, nune’e funsaun públika timorense iha maior parte faze intermedia ba sira nia kareiras,”
Prezidente KFP mós destaka liu tan kona-ba preparasaun administrasaun publika Timor-Leste nian hodi antisipa realizasaun ninia full membership ASEAN, hodi dehan “esforsu hamutuk iha administrasaun públika timorense nian hodi garante ninia rekursu sira ne’ebé preparadu no motivadu atu hasa’e sira nia kapasidade, espesiensia hodi servisu hamutuk ba kolaborasaun sira ativamente hodi alkansa ninia objetivu ba kooperasaun ASEAN ninian kona-ba funsaun públika.”
Partisipasaun iha the preparatory meeting and ACCSM senior official meeting for the 22nd ne’e mai husi Estadu-Membru, hanesan: Malázia, Indonézia, Myanmar, Lao PDR, Brunei Darrussalam, Vietnam, Singapura, Philipina, Cambodia, no Thailandia.
Delegasaun Timor-Leste, ne’ebé reprezenta husi Komisaun Funsaun Públika, hatan ba konvite husi Sekretariu Permanente Civil Service Governance,Ajman Bin Haji Meludin husi Brunei Darrussalam diretamente konvida Prezidente Komisaun Funsaun Públika, ne’ebé akompaña husi Sekretária Ezekutiva no pontu fokal ASEAN Socio-cultural nian iha Komisaun Funsaun Públika Timor-Leste, hodi partisipa iha sesaun aprezentasaun no diskusaun sira ba Civil Service Matter’s husi paíz membru sira.
1,911 total views, 3 views today
Bele hare Video Seluk :
Subscribe to Timorpost
