COVID-19: Embaixada Timor Leste iha Jakarta Distribui Formuláriu kona-ba Subsídiu Modesto ba Estudante Timoroan iha Territóriu Indonézia

DILI—Embaixada Timor Leste nian iha Jakarta-Repúblika Indonézia distribui ona formuláriu kona-ba subsídiu modesto (uang saku sederhana) ba estudante timoroan sira ne’ebé namkari iha territóriu nasaun viziñu ne’e.

Seidauk sita kona-ba total subsídiu ba kada estudante hira, maibé Governu Timor Leste deside atu disponibiliza subsídiu modesto ida ba estudante sira ne’ebé desidi hakmatek iha fatin ne’ebé sira estuda ba.

SCROLL FILA BA NOTISIA

Lee Mós :

MI- SEPC No PNTL simu Governador LEMHANNAS Indonesia

Maibé, ba kestaun ne’e, iha komunikadu husi Embaixada ne’ebé Timor Post assesu iha loron Tersa (07/04/2020) haktuir, Embaixada sei atualiza hikas estudante sira bainhira iha ona instrusaun husi governu sentral.

Embaixada kontinua husu ba estudante timoroan sira atu hakmatek iha ida-idak nia fatin, labele halo sirkulasaun liuliu atraveza rejiaun sira ne’ebé afetadu on aba virus corona (COVID-19).

Lee Mós :

Lú Olo Dekreta Prémiu Sergio Vieira de Mello ba Manan Na’in-4

Iha komunikadu ne’e mós nafatin sita katak, transporte aero ka semo ho aviun la halo ona operasaun, nune’e mós transporte husi fronteira rai sei loke semana ida dala ida iha oras rua nia laran loron Kuarta (10:00 TO’O 12:00).

Medida ne’e Timor Leste foti hodi prevene pandemia COVID-19 tama iha territóroiu no fó perigu ba sidadaun sira hotu.

Lee Mós :

Hafoin Manda Karta ba Prezidente Eleitu Amérika, Xanana Semo ba Jakarta

Tuir mai komunikadu ofisiál husi Embaixada Timor Leste iha Jakarta Repúblika Indonézia;