DILI, (timorpost.com)— Reprezentante International Committee of the Red Cross (ICRC), Vicente Ochilet ho ekipa enkontru ho Prezidente Repúblika (PR), José Ramos Horta, hodi atualiza operasaun no asisténsia umanitáriu ICRC nian iha área konflitu armadu no mós atividade iha Timor-Leste ba Xefe Estadu.
Nune’e Vicente Ochilet, hatete sira hasoru malu ho Xefe Estadu ne’e ko’alia liu kona-ba situasaun iha nível internasionál iha mundu tomak.
“Ohin ami enkotru ne’e mós ami ko’alia kona-ba konflitu ne’ebé la’o hela iha rai Ukrania, oinsá atu fó asisténsia umanitária ba vítima sira, problema iha rai Ukrania ne’e problema polítiku ida, tanba ne’e, problema polítiku sira ne’ebé ita presiza resposta polítiku sira no sira presiza asisténsia no informasaun no dalaruma susar atu hetan asisténsia”, dehan Vicente Ochilet, ba jornalista sira iha Palásiu Prezidensiál, Bairu-Pite, hafoin remata enkontru ho Xefe Estadu, Sesta, (22/03).
Nia dehan, apresia tebes Xefe Estadu nia pozisaun, kona-ba kestaun hirak-ne’e, dalan oinsá atu hamriik no dalan ne’ebé hamriik iha futuru atu asegura asisténsia ba ema no ita-nia pozisaun sira kona-ba interasaun direitu umanitáriu internasionál hotu-hotu.
“Ha’u haree ida-ne’e apresia tebes no ami fiar no ami enkoraja tebes prezidente atu kontinua luta ba asisténsia ba ema no luta ba respeitu direitu internasionál iha mundu tomak. No nia mós hafolin ida-ne’e, ha’u haree imi-nia prezensa iha ne’e, iha servisu ne’ebé ami halo ho imi-nia militár ho imi-nia polísia”, nia informa.
Nia haktuir, servisu ne’ebé atu halo hamutuk kona-ba riskudezastre, jestaun kona-ba forensika no buat hotu ne’ebé parte rua ko’alia.
“Ha’u fiar katak, ha’u hatene ekipa ka laiha buat ruma atu hatete ba umanidade kona-ba asuntu ne’e, tanba ne’e diskusaun ne’e funsionál tebes no ha’u husik hela. Ha’u kontente tebes ho diskusaun ne’ebé ha’u halo ho autoridade sira”, dehan nia.
Enkuantu iha enkontru ne’e ko’alia mós kona-ba konferensia internasionál ne’ebé sei hala’o iha fulan-Outubru nia rohan no bele partisipa iha konferénsia ne’ebé lideransa mundiál sira partisipa, hamutuk ho sosiedade nasionál sira husi nasaun oin-oin, atu ko’alia de’it kona-ba dezafiu sira ba asaun umanitária.(*)
2,151 total views, 3 views today
Bele hare Video Seluk :
Subscribe to Timorpost
