KAMBÓDIA, 06 MAIU 2023- Lider Istóriku, Kay Rala Xanana Gusmão hasoru malu ho Primeiru Ministru Kambódia, Samdach Hun Sen hodi deskute kooperasaun bilaterál ne’ebé fokus ba ekonomia, komersiu industria, edukasaun no arte no adezaun Timor-Leste sai membru ASEAN.
Iha enkontru armónia ne’ebé hala’o iha Palasiu ba Dame Kambódia ne’e, Xanana hato’o agradese ba konvite espesiál konvida nian hamutuk ho atleta Timoroan partisipa abertura SAE GAMES ne’ebé hala’o espektakuler tebes, tanba partisipa direita hosi atleta rihun hosi nasaun membru ASEAN.
Xanana dehan, selebrasaun Sea Games tinan ne’e la’o susesu tebes, no susesu ne’e konta ho povu Kambódia tomak nia apoiu, tanba Xanana rasik sente orgullu foin primeiraves maka partisipa hodi haree direita serimónia abertura ho atividade kultura oin-oin anina tebes ema rihun ninia haree hodi partisipa ho kontente.
Iha oportunidade murak ne’e, Xanana hato’o agradese ba Xefe Governu Kambódia, tanba ajuda makas tebes adezaun Timor-Leste atu sai membru ASEAN iha tempu besik no Kambódia ajuda mós povu Timor-Leste luta kontra peste COVID-19 iha tinan kotuk.
Entretantu, Xefe Governu Samdach Hun Sen bainhira hasoru Xanana hakuak malu metin hodi hato’o agradese mós ba Xanana bele responde ninia konvite partisipa iha abertura SEA GAMES envolve mós atleta Timoroan kuaze 93 liu.
Iha parte seluk, Samdach Hun Sen promote sei apoia ekipa halo peskiza iha Timor-Leste hodi haree setór agrikultura nian, nune’e Kambódia bele apoia TL iha tempu besik hodi hasa’e produsaun aihan iha rai laran.
Mezmu la hola parte iha ezekutivu, maibé Xanana kontinua hetan fiar hosi Estadu Kambódia reprezenta povu, tanes aas konvite PM Samdech Hun Sen hodi partisipa abertura SEA GAMES ba dala-XXXII.
Vizita Xanana ba hasoru PM Samdach akompaña direita hosi Embaixadór Timor-Leste ba Kambódia, Hermenegildo Lopez “Kupa”, Embaixador Roberto Soares, Konsilleira Embaixada Timor-Leste ba Reinu Kambódia, Josefina Tilman, Primeira Sekretaria Embaixada Timor-Leste ba Reinu Kambódia, Elisa Mesquita no ekipa protokolu no media.
Entretantu, antes ne’e iha fulan kotuk, Prezidente Repúblika, José Ramos-Horta, Kinta-Feira ne’e, hasoru malu ho Liurai Reiñu Kambódia, Narodom Sihamoni, hodi disktuti relasaun ekonómika no komersiál entre nasaun rua.
Xefe Estadu, Timor-Leste rejista avansu maka’as iha relasaun diplomátika, maibé presija aposta iha àrea komérsiu no ekonómiku.
Antes ne’e, Timor-Leste no Kambódia asina akordu kona-ba servisu aereo, hodi permite voo mensal husi Phnom Penh mai Díli, hodi fasilita passajeiru husi Xina mai Timor-Leste, tamba paíz ne’e jeográfikamente besik liu Xina. (remata)
9,600 total views, 3 views today
Bele hare Video Seluk :
Subscribe to Timorpost
